ଫୁଲବାଣୀ:କନ୍ଧମାଳ ଜିଲା ଫିରିଙ୍ଗିଆ ପୁଲିସ ଏକ କାର ସହ ୫୦ କିଲୋ ୪୦୦ ଗ୍ରାମ ଗଞ୍ଜେଇ ଜବତ କରିଛି। ଏହି ଘଟଣାରେ କାର ଚାଳକ ସହ ତିନି ଜଣଙ୍କୁ ଗିରଫ କରିଥିବା ସୂଚନା ମିଳିଛି। ଆଜି କୌଣସି ସୁତ୍ରରୁ ଖବରପାଇ ଫିରିଙ୍ଗିଆ ଥାନା ଅଧିକାରୀ ପି.ଶ୍ୟାମସୁନ୍ଦର ରାଓଙ୍କ ନେତୃତ୍ୱରେ ଏକ ସ୍ୱତନ୍ତ୍ର ଟିମ ଫିରିଙ୍ଗିଆ ଡିମିରିଗୁଡା ରାସ୍ତାର ସିମିଳିସାହି ନିକଟରେ ଏକ କାରକୁ ଅଟକାଇଥିଲେ। ଯାଞ୍ଚ ବେଳେ କାରରୁ ୫୦ କିଲୋ ୪୦୦ ଗ୍ରାମ ଗଞ୍ଜେଇ ଜବତ କରିଥିଲେ। ଏହି ମାମଲାରେ କାର ଡ୍ରାଇଭର ଓ ଅନ୍ୟ ଦୁଇଜଣକୁ ଗିରଫ କରିଥିଲ। ଏ ସଂକ୍ରାନ୍ତରେ ଫିରିଙ୍ଗିଆ ଥାନାରେ କେସ ନଂ ୬୯ା୨୨ ରୁଜୁ କରି ଅଭିଯୁକ୍ତ ମାନଙ୍କୁ କୋର୍ଟ ଚାଲାଣ କରାଯାଇଛି ବୋଲି ଥାନା ଅଧିକାରୀ ସୂଚନା ଦେଇଛନ୍ତି। ଏହି ଚଢାଉରେ ଅତିରିକ୍ତ ଥାନା ଅଧିକାରୀ ବିକାଶ କୁମାର ଜାଲି, ଏସଆଇ ପ୍ରଦୀପ କୁମାର ରାଉଳ, ଏଏସଆଇ କୃଷ୍ଣଚନ୍ଦ୍ର ଗୌଡଙ୍କ ସାହ ଅନ୍ୟ ପୁଲିସ୍ କର୍ମଚାରୀ ମାନେ ସାମିଲ ହୋଇଥିଲେ।
Comments are closed.