ଗୋପାଳପୁର: ଶିତଳାପଲ୍ଲୀ ସ୍ଥିତ ପାରଳା ମହାରାଜା ଯାନ୍ତ୍ରୀକ ମହାବିଦ୍ୟାଳୟର ଛାତ୍ରଛାତ୍ରୀମାନେ ଗ୍ରୀଷ୍ମ ପ୍ରବାହକୁ ଦୃଷ୍ଟିରେ ରଖି କ୍ୟାମ୍ପସ ପରିସରରେ ପଶୁପକ୍ଷୀଙ୍କ ନିମନ୍ତେ ବିଭିନ୍ନ ସ୍ଥାନରେ ଜଳଛତ୍ର ଖୋଲିଛନ୍ତି। ବିଗତ ବର୍ଷ ଖରା ଦିନରେ ପ୍ଲାଷ୍ଟିକ ବୋତଲ ଓ ଅଦରକାରୀ ପ୍ଲାଷ୍ଟିକ ବାଲତି ଓ ଡଷ୍ଟବିନଙ୍କୁ କାଟି କ୍ୟାମ୍ପସରେ ଚଢ଼େଇ ଓ ମାଙ୍କଡ଼ମାନଙ୍କ ପାଇଁ ପାଣି ରଖୁଥିଲେ । ଏବର୍ଷ ମଧ୍ୟ ସେହିପରି କିଛି ପାଣିକୁଣ୍ଡ ସହ ମାଟି ପଥୁରିରେ ଶିକା କରି କ୍ୟାମ୍ପସ ପରିସରରେ ଝୁଲାଇଛନ୍ତି। ଅନେକ ସମୟରେ ବିଭିନ୍ନ ପ୍ରୟାସ ନେଉଥିବା ଛାତ୍ର ପ୍ରତିନିଧି ରାହୁଲ୍ ପ୍ଲାଷ୍ଟିକ ବ୍ୟବହାର ହ୍ରାସ ଓ ପୁନଃ ବ୍ୟବହାରକୁ ନେଇ ପରିଚାଳନା ଦିଗରେ ଏହିପରି କାର୍ଯ୍ୟକ୍ରମ ହାତକୁ ନିଆଯାଇଛି ବୋଲି ମତ ରଖିଛନ୍ତି। ଛାତ୍ରଛାତ୍ରୀଙ୍କ ଏଭଳି ପ୍ରୟାସକୁ ଦେଖି ମହାବିଦ୍ୟାଳୟକୁ ବୁଲିବାକୁ ଆସିଥିବା ବି.ଏସ ପଣ୍ଡା(ପ୍ରଫେସର୍, ଆଇଆଇଟି ଦିଲ୍ଲୀ) ପ୍ରଶଂସା କରିଥିଲେ। ମହାବିଦ୍ୟାଳୟ ଅଧ୍ୟକ୍ଷ ପ୍ରଫେସର୍ ରଞ୍ଜନ କୁମାର ସ୍ବାଇଁ ଛାତ୍ରଛାତ୍ରୀଙ୍କୁ ଆହୁରି ଆଗକୁ ବଢ଼ିବାକୁ ପ୍ରେରଣା ଦେଇଥିଲେ। ଏନଏସଏସ ଅଧ୍ୟାପକ ସଂଯୋଜକ ଅଧ୍ୟାପକ ଡ଼. ଚିତ୍ତରଞ୍ଜନ ମଲ୍ଲିକଙ୍କ ସମେତ ଡ଼.ସୌରଭ ଭୋଇ ଛାତ୍ରଛାତ୍ରୀଙ୍କୁ ସହଯୋଗ କରିଥିଲେ। ଆୟୋଜିତ କାର୍ଯ୍ୟକ୍ରମରେ ସୁବର୍ଣ୍ଣବିନ୍ଦୁ ପାଣି, ପ୍ରୀୟଂଶୁ ପଟ୍ଟନାୟକ, ପବିତ୍ର ମୁରାରୀ ଦାସ, ଶୁଭମ୍, ସଞ୍ଜୀବ ସାହୁ, ସନ୍ଦୀପ ସାହୁ, ହ୍ରିତିକ୍, ଜୀବନ ଜ୍ୟୋତି ସାମନ୍ତ ସିଂହାର, ଅଭିଷେକ ପାଣିଗ୍ରାହୀ ଓ ସାଗର ବେହେରା ପ୍ରମୁଖ ସହଯୋଗ କରିଥିଲେ।
Comments are closed.