ରେଙ୍ଗାଲିକ୍ୟାମ୍ପ: ଆଜି ଓଡ଼ିଶାର ମହାନ ଜନନାୟକ ବିଜୁ ପଟ୍ଟନାୟକଙ୍କ ୨୫ ତମ ତିରୋଧାନ ଦିବସ ଅବସରରେ ବିଜୁ ପଟ୍ଟନାୟକଙ୍କୁ ଅତାବିରା ବିଜୁ ଜନତା ଦଳ ପକ୍ଷରୁ ଶ୍ରଦ୍ଧାଞ୍ଜଳି ଜ୍ଞାପନ କରାଯାଇଛି। ବିଜୁ ଜନତା ଦଳର ଏନଏସି ସଭାପତି ଟଙ୍କ ଦାଶଙ୍କ ସଂଯୋଜନା କ୍ରମେ ପ୍ରଥମେ ଏନଏସି ଓ ପରେ ବ୍ଲକ କାର୍ୟ୍ୟାଳୟ ପରିସରରେ ବିଜୁ ବାବୁଙ୍କ ଫଟୋ ଚିତ୍ରରେ ଦୀପ ପ୍ରଜ୍ବଳନ ପୂର୍ବକ ପୁଷ୍ପମାଲ୍ୟ ଅର୍ପଣ ପରେ ସ୍ମୃତିଚାରଣ କରାଯାଇ ଥିଲା। ପ୍ରବାଦ ପୁରୁଷ ବିଜୁ ବାବୁଙ୍କ ନୀତି ଓ ଆଦର୍ଶ ସଦାସର୍ବଦା ଲୋକଙ୍କ ସେବା କରିବାକୁ ଉତ୍କଳୀୟମାନଙ୍କୁ ଅନୁପ୍ରାଣିତ କରିଆସିଛି। ସେ ଦେଖାଇଥିବା ମାର୍ଗରେ ଆଜି ଆଗେଇଯାଇ ଅତାବିରା ବିଜେଡି ପକ୍ଷରୁ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ସଫେଇ ଓ ସଚେତନତା କାର୍ୟ୍ୟକ୍ରମ କରାଯାଇଥିଲା। ଏହା ବ୍ୟତୀତ ରାସ୍ତାରେ ବୁଲୁଥିବା ଅସହାୟ ଦରିଦ୍ର ଲୋକଙ୍କୁ ବସ୍ତ୍ର ଓ ଖାଇବାକୁ ଫଲମୂଳ ଦିଆଯାଇଥିଲା। ଏହି କାର୍ଯ୍ୟକ୍ରମରେ ରାଜ୍ୟ ବିଜେଡି ମହିଳା ସମ୍ପାଦିକା କେ ସରସ୍ବତୀ, ଜିଲା ପରିଷଦ ରଞ୍ଜିତ ସାହୁ, ସୁଦାମ ଜାଲ, ଶମ୍ଭୁ ସେଠ୍, ମମତା ପ୍ରଧାନ, ବିଧାୟିକାଙ୍କ ପ୍ରତିନିଧି ଗଣେଶ ସାହୁ, ଏନଏସି ଅଧ୍ୟକ୍ଷା ଦୀପାଞ୍ଜଳୀ୍ ଭୋରାଶାଗର,ବ୍ଲକ ଅଧ୍ୟକ୍ଷା ଗୀତାଞ୍ଜଳି ନାଏକ,ଉପାଧ୍ୟକ୍ଷ ଅନନ୍ତ ମେହେର, ମଣ୍ଟୁ ପଣ୍ଡା, ବନମାଳୀ ବରିହା, ରଘୁ ବାରିକ୍, ସନ୍ତୋଷିନି ମକାୱାନା, ଆରତୀ ନାଏକ, ବିନୋଦ ନାଏକ ପ୍ରମୁଖ କାର୍ଯ୍ୟକ୍ରମରେ ଯୋଗଦେଇଥିଲେ।
Comments are closed.