ବାଙ୍କୀ: ସ୍ଥାନୀୟ ଘୋଡାବର ହନୁମାନଜୀ ପୀଠରେ ଅନୁଷ୍ଠିତ ହେଉଥିବା ନବାହ୍ନ ପରାୟଣ ଜ୍ଞାନଯଜ୍ଞ ଓ ଶ୍ରୀରାମଚରିତ ମାନସ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏହି ଅବସରରେ ମହାବିଷୁବ ସଂକ୍ରାନ୍ତି ଉତ୍ସବ, ୧୦୮ ହନୁମାନ ଚାଳିଶା ପାଠ ଏବଂ ହରିହାଟ ଅନୁଷ୍ଠିତ ହୋଇଯାଇଛି।
ନାମ ଯଜ୍ଞକୁ ବ୍ୟାସ ଗିରୀଶ ଚନ୍ଦ୍ର ଶତପଥୀ, ଧାରକ ବିରଞ୍ଚି ନାରାୟଣ ନନ୍ଦ, ପୂଜକ ପ୍ରମୋଦ କୁମାର ନନ୍ଦ, ପୁରୋଧା ଯୋଗେଶ ଚନ୍ଦ୍ର ଷଡଙ୍ଗୀ, ଖଗେନ୍ଦ୍ର ତ୍ରିପାଠୀ, ଲିଙ୍ଗରାଜ ତ୍ରିପାଠୀ, ଗୁରୁଚରଣ ନନ୍ଦ ପ୍ରମୁଖ ପରିଚାଳନା କରିଥିଲେ। ଗ୍ରାମବାସୀଙ୍କ ସମ୍ପୂର୍ଣ୍ଣ ସହଯୋଗ ଭିତ୍ତିକ କାର୍ଯ୍ୟକ୍ରମରେ ବିଭିନ୍ନ ଦିନରେ ପଣ୍ଡିତ ଦିବାକର ନନ୍ଦ ଓ ପଣ୍ଡିତ ନାରାୟଣ ଦାସ ମହାରାଜ ପ୍ରମୁଖ ପ୍ରବକ୍ତା ଭାବରେ ଶ୍ରୀରାମ ନାମ ମହାତ୍ମ୍ୟ, ଶିବ ପାର୍ବତୀ ବିବାହ ଠାରୁ ଆରମ୍ଭ କରି ରାମାଭିଷେକ ପର୍ଯ୍ୟନ୍ତ ପ୍ରବଚନରେ ଶ୍ରୋତା ମାନଙ୍କୁ ବିମୁଗ୍ଧ କରିଥିଲେ।
Comments are closed.