ଚୌଦ୍ୱାର : ଚୌଦ୍ୱାର କପାଳେଶ୍ୱର ନିକଟରେ ଥିବା ଏକ ଘରୋଇ ମେଡିକାଲ ନିକଟରୁ ଚୌଦ୍ବାର ପୁଲିସ ଜଣେ ଯୁବକଙ୍କ ମୃତଦେହ ଉଦ୍ଧାର କରିଛି। ସୂଚନା ଅନୁଯାଇ ଶନିବାର ସନ୍ଧ୍ୟା ସମୟରେ ଉକ୍ତ ଯୁବକଙ୍କ ମୃତଦେହ ପଡିଥିବା ଦେଖି ସ୍ଥାନୀୟ ଲୋକେ ପୁଲିସକୁ ଖବର ଦେଇଥିଲେ। ଖବର ପାଇ ପୁଲିସ ଘଟଣା ସ୍ଥଳରେ ପହଁଚି ମୃତଦେହ ଉଦ୍ଧାର କରି ବ୍ୟବଛେଦ ନିମନ୍ତେ କଟକ ବଡଡାକ୍ତରଖାନା ପଠାଇଛି। ପୁଲିସ ସୂଚନା ଅନୁଯାଇ ମୃତ ଯୁବକ ଜଣକ ହେଲେ ପଶ୍ଚିମବଙ୍ଗ ମାଲଦା ଜିଲାର ପୁଟୁଣି ଥାନା ଅନ୍ତର୍ଗତ ଗୋପାଳତୋଲା ଗ୍ରାମର କୃତ୍ତିବାସ ମଣ୍ଡଳ(୨୬)। ସେ ଆଜକୁ ୭ମାସ ହେବ ଚୌଦ୍ୱାର ଅଂଚଳରେ ରହି ରାଜମିତ୍ସୀ ଭାବେ କାର୍ଯ୍ୟ କରୁଥିଲେ। ମୃତ୍ୟୁର କାରଣ ଅସ୍ପଷ୍ଟ ଥିବା ବେଳେ ମୃତକଙ୍କ ଭାଇ ରାଜ ମଣ୍ଡଳ ଭାଇର ମୃତ୍ୟୁର କାରଣର ତଦନ୍ତ ପାଇଁ ଥାନାରେ ଲିଖିତ ଅଭିଯୋଗ କରିଛନ୍ତି। ପୋଲିସ ୯/୨୨ରେ ଏକ ଅପମୃତ୍ୟୁ ମାମଲା ରୁଜୁ କରି ଘଟଣାର ତଦନ୍ତ ଚଳାଇଛି।
Comments are closed.