ନବରଙ୍ଗପୁର: ପାପଡାହାଣ୍ଡିବ୍ଲକ ଅନ୍ତର୍ଗତ ଘାଟଗୁଡା ଗ୍ରମାପଞ୍ଚାୟତର ବୁଥନମ୍ବର-୧ର ଭୋଟର ମାନେ ଭୋଟ ବର୍ଜନ କରିଛନ୍ତି। ଏହି ୱାର୍ଡ ଆଦିବାସୀ ବହୁଳ ହୋଇଥିବାବେଳେ ୱାର୍ଡସଭ୍ୟ ଅନୁସୂଚୀତ ଜାତି (ହରିଜନ) ଙ୍କର ପାଇଁ ସଂରକ୍ଷଣ କରାଯାଇଥିବା ପ୍ରତିବାଦ କରି ୱାର୍ଡ ବାସୀମାନେ ଭୋଟ ଦେଇନଥିଲୋ ଏଥି ବୁଥରେ ମୋଟ ୨୦୨ ଜଣ ଭୋଟର ରହିଛନ୍ତି। ତେବେ ସଂରକ୍ଷଣକୁ ବଦଳାଇବା ପାଇଁ ବିଡିଓଙ୍କୁ ଏହି ୱାର୍ଡ ବାସୀମାନେ ଜଣାଇବା ପରେ ମଧ୍ୟ ପରିବର୍ତ୍ତନ କରାନଯିବାରୁ ଏହାର ପ୍ରତିବାଦ କରି କେହି ମଧ୍ୟ ଭୋଟ ଦେଇନଥିବା ଜଣାପଡିଛି। ତେବେ ବ୍ଲକ ପ୍ରଶାସନ ପକ୍ଷରୁ ଗ୍ରାମକୁ ଯାଇ ଭୋଟର ଙ୍କୁବୁଝାଶୁଝା କରିଥିଲେ ମଧ୍ୟ କୌଣସି ସୁଫଳ ମିଳିପାରିନାହିଁ।
Comments are closed.