ବାଙ୍କୀ: ଶୁକ୍ରବାର ଦିନ ପୂର୍ବାହ୍ନରେ ବାଙ୍କୀ ବ୍ଲକ ଅଧିନ କେନ୍ଦୁପଲ୍ଲୀ ଗ୍ରାମପଞ୍ଚାୟତର ଟଭାଖୋଲ ପରିସରରେ ବିଜୁ ଜନତା ଦଳର ଏକ କର୍ମୀ ସମାବେଶ ଅନୁଷ୍ଠିତ ହୋଇଯାଇଛି। ଏହି ସମାବେଶରେ ବାଙ୍କୀର ପୂର୍ବତନ ବିଧାୟକ ପ୍ରଭାତ କୁମାର ତ୍ରିପାଠୀ ଯୋଗଦେଇ ଆଗାମୀ ତ୍ରିସ୍ତରୀୟ ପଞ୍ଚାୟତ ନିର୍ବାଚନରେ କେନ୍ଦୁପଲ୍ଲୀ ପଞ୍ଚାୟତରେ ବିଜୁ ଜନତା ଦଳ ସମର୍ଥିତ ପ୍ରାର୍ଥୀମାନଙ୍କୁ ବିପୁଳ ସଂଖ୍ୟାରେ ଜିତାଇବା ପାଇଁ ଆହ୍ବାନ ଦେଇଥିଲେ। ନିର୍ବାଚନ ପ୍ରଚାର ନିରାଡମ୍ବର ଭାବରେ କୋଭିଡ କଟକଣା ସହିତ ସଂଚାଳନ ପାଇଁ ନିବେଦନ କରିଥିଲେ। କାର୍ଯ୍ୟକ୍ରମରେ ଜିଲା ପରିଷଦ ସଦସ୍ୟା ରଶ୍ମିତା ସାହୁ, ସରପଞ୍ଚ ପ୍ରାର୍ଥୀ ପ୍ରାଦ୍ୟୁମ୍ନ କୁମାର ସୁବୁଦ୍ଧି ଏବଂ ସମିତି ସଭ୍ୟ ପ୍ରାର୍ଥୀ ପ୍ରେମାନନ୍ଦ ସାହୁଙ୍କୁ ନିର୍ବାଚନ ରଣାଙ୍ଗନରେ ବିଜୟ ହାସଲ କରିବା ପାଇଁ ସମସ୍ତ ପ୍ରକାର ସହଯୋଗ କରିବାକୁ ପରାମର୍ଶ ଦେଇଥିଲେ।
ଆଗାମୀ ଦିନରେ ପଞ୍ଚାୟତର ସର୍ବାଙ୍ଗିନ ଉନ୍ନତି ପାଇଁ ବିଜୁ ଜନତା ଦଳର ସମର୍ଥିତ ପ୍ରାର୍ଥୀମାନେ ପଞ୍ଚାୟତ ପାଇଁ ନିଶ୍ଚୟ ଆତ୍ମବଳ ବଢାଇବେ ବୋଲି କର୍ମୀ ମାନଙ୍କୁ ନିବେଦନ କରିଥିଲେ। ସ୍ଥାନୀୟ ନେତା ସୁରଞ୍ଜନ ପଣ୍ଡା, ଅନନ୍ତ ଦାସ, ଦେବରାଜ ସାହୁ, ମାନସ ଖୁଣ୍ଟିଆ, ପିତାମ୍ବର ସାହୁ, ପଞ୍ଚାନନ ସାହୁ, ଅଭିମନ୍ୟୁ ସାହୁ ପ୍ରମୁଖ ସମାବେଶରେ ଉପସ୍ଥିତ ଥିଲେ।
Comments are closed.