ସାରନଗରୀ: ଦକ୍ଷିଣ ରାଉରକେଲା ଲକ୍ଷ୍ମୀମାର୍କେଟସ୍ଥିତ ମା’ତାରିଣୀଙ୍କ ମନ୍ଦିରର ନବମ ବାର୍ଷିକ ଉତ୍ସବ ଅନୁଷ୍ଠିତ ହୋଇଯାଇଛି। ମନ୍ଦିରର ବାର୍ଷିକ ଉତ୍ସବ ଉପଲକ୍ଷେ ଗତକାଲି ଅଙ୍କୁରାରୋପଣ ଓ ଅଧିବାସ କାର୍ଯ୍ୟ ଶେଷ ହେବା ପରେ ଆଜି ଘଟ ଉତ୍ତୋଳନ କାର୍ଯ୍ୟ ଅନୁଷ୍ଠିତ ହୋଇଯାଇଛି। ଏହି ଘଟ ଉତ୍ତୋଳନ କାର୍ଯ୍ୟରେ ଆଖ ପାଖ ଗ୍ରାମରୁ ଶତାଧିକ ମହିଳା ଓ ପୁରୁଷ ଏକ କଳସ ଶୋଭା ଯାତ୍ରାରେ ବାହାରି ତରକେରା ଘାଟରେ ପଣ୍ଡିତ ହେମନ୍ତ ନନ୍ଦଙ୍କ ପୂଜାପାଠ ଓ ସହଯୋଗୀ ସିଧେଶ୍ୱର ମିଶ୍ର, ଦୁର୍ଗା ପ୍ରସାଦ ଦାଶ, ଦୀବାକର ଶତପଥିଙ୍କ ମନ୍ତ୍ର ଉଚାରଣ ପରେ ଘଟ ଉତ୍ତୋଳନ କରାଯାଇଥିଲ। ଏହାପରେ ଘଣ୍ଟ ଘଣ୍ଟା ଓ ମୃଦଙ୍ଗ କିର୍ତ୍ତନ ବାଦ୍ୟ କରି ଘଟ ଧାରଣ କରିଥିବା ସମସ୍ତ ମହିଳା ପୁରୁଷମାନଙ୍କୁ ମନ୍ଦିର ନିକଟକୁ ଅଣାଯାଇଥିଲ। ପୂଜକଙ୍କ ମନ୍ତ୍ରଧ୍ୱନୀ ସହିତ ଝୁଣା, ଧୂପ ଓ କର୍ପୁରର ମହକରେ ଉକ୍ତ ଅଞ୍ଚଳରେ ଭକ୍ତିମେୟ ପରିବେଶ ସୃଷ୍ଟି ହୋଇଥିଲ। ପରେ ପରେ ବାର୍ଷିକପୂଜା ଉତ୍ସବ ଓ ଯଜ୍ଞ କାର୍ୟ୍ୟ ଅନୁଷ୍ଠିତ ହୋଇଥିଲ। ଆସନ୍ତାକାଲି ମନ୍ଦିରର ଚଣ୍ଡିପାଠ କରାଯିବା ସହିତ ଯଜ୍ଞର ପୂର୍ଣ୍ଣାହୁତି ଦିଆଯିବ ।
ଉକ୍ତ ବାର୍ଷିକ ଉତ୍ସବରେ କର୍ତ୍ତା ଭାବେ ମନୋରଂଜନ ପ୍ରହରାଜ ଓ ସହଧର୍ମିଣୀ ସଂଘମିତ୍ରା ପ୍ରହରାଜ କାର୍ଯ୍ୟ ତୁଲାଇଥିଲେ। ସହଯୋଗୀ କର୍ତ୍ତା ଭାବେ ବିକାଶ ଗିରି ଓ ପୂର୍ଣ୍ଣଚନ୍ଦ୍ର ପରିଜା ଦାୟିତ୍ୱ ତୁଲାଇଥିଲେ। କାର୍ଯ୍ୟକ୍ରମକୁ ପରିଚାଳନା କରିବାରେ ସଭାପତି ପିଙ୍କୁ ନାୟକ, ସମ୍ପାଦକ ବିକାଶ ଗିରି, ଅକ୍ଷୟ ସାହୁ, ଲଷ୍ମୀକାନ୍ତ କର, ପ୍ରକାଶ ମୋଦକ, ଲିପୁ ସାମଲ, ଶଙ୍କର ରାୟ, ହରିଶ ପଟେଲ, ଅମୀତ ଠାକୁର, ପ୍ରତାପ ଡ଼ାଗେରା, ଦର୍ପ ନାରାୟଣ ମହାନ୍ତି, ସୁରେନ୍ଦ୍ର ପାତ୍ର ସମେତ ଗ୍ରାମର ବହୁ ଶ୍ରଦ୍ଧାଳୁ ଭକ୍ତମାନେ ପରିଚାଳନାରେ ସହଯୋଗ କରିଥିଲେ।
Comments are closed.