ବୁର୍ଲା : ବୁର୍ଲା ଭିମସାରର ରକ୍ତ ଭଣ୍ଡାରରେ ରକ୍ତର ସଙ୍କଟ ଦେଖାଦେବାକୁ ନେଇ ଭିମସାରରେ ଏହା ଚିନ୍ତାର ବିଷୟୟ ପାଲଟିଛି । ବୁର୍ଲା ଭିମସାର ହସପିଟାଲକୁ ଆସି ଚିକିତ୍ସାଧିନ ରୋଗୀଙ୍କୁ ଯେତିକି ପରିମାଣର ରକ୍ତ ଅବଶ୍ୟତା ରହିଛି ସେହି ତୁଳନାରେ କିଛିଦିନ ହେବ ରକ୍ତ ଉପଲବ୍ଧ ହେଉ ନ ଥିବା ଅଭିଯୋଗ ହୋଇଛି । ଦୈନିକ ପ୍ରାୟ ପାଖାପାଖି ୮୦ ୟୁନିଟରୁ ଉଦ୍ଧ୍ୱର୍ ୟୁନିଟର ଆବଶ୍ୟକତା ରହୁଛି । କିନ୍ତୁ ଆଜି ରକ୍ତ ଭଣ୍ଡାରରେ ମାତ୍ର ୩ ୟୁନିଟ ରକ୍ତ ଗଚ୍ଛିତ ରହିଥିବା ସୁଚନା ହସ୍ତଗତ ହୋଇଛି । ବି ପଜିଟିଭ ଗ୍ରୁପର ଦୁଇଟି ୟୁନିଟ ଏବଂ ଏବି ପଜିଟିଭ ଗ୍ରୁପର ମାତ୍ର ଗୋଟିଏ ୟୁନିଟ ରକ୍ତ ଗଚ୍ଛିତ ରହିଥିବା ଜଣାପଡିଛି ।
ତେବେ ବୁର୍ଲା ଭିମସାରର ରକ୍ତ ଭଣ୍ଡାରରେ ୧୫ଶହ ୟୁନିଟ ରକ୍ତ ଗଚ୍ଛିତ ହେବାର ବ୍ୟବସ୍ଥା ରହିଛି । ହେଲେ ଗତ ପ୍ରାୟ ଏକ ମାସ ହେବ ବାହାରେ କୌଣସି ରକ୍ତଦାନ ଶିବିର ଅନୁଷ୍ଠିତ ହେଉ ନ ଥିବାରୁ ଏହାର ପ୍ରଭାବ ବୁର୍ଲା ଭିମସାରର ରକ୍ତ ଭଣ୍ଡାରରେ ପଡିଥିବା ଦେଖିବାକୁ ମିଳିଛି । ଏହାକୁ ନେଇ ବୁର୍ଲା ଭିମସାରର ରକ୍ତ ଭଣ୍ଡାର ଅଧିକାରୀ ଦାୟିତ୍ୱରେ ରହିଥିବା ଟ୍ରାନ୍ସଫୁ୍ୟଜନ ମେଡ଼ିସିନ ବିଭାଗର ଡ଼ାକ୍ତର ଚିତ୍ତରଞ୍ଜନ ପ୍ରସାଦଙ୍କୁ ଯୋଗାଯୋଗ କରାଯିବାରୁ ରକ୍ତ ଦାନ ଶିବିର ହେଉ ନ ଥିବାରୁ ରକ୍ତ ସଙ୍କଟ ହେଉଥିବା ସୁଚନା ଦେଇଛନ୍ତି । ତେବେ ବର୍ତ୍ତମାନ ବୁର୍ଲା ଭିମସାରରେ ରୋଗୀଙ୍କ ଅ।ବଶ୍ୟକତା ଅନୁଯାୟୀ ଦିନକୁ ପ୍ରାୟ ୮୦ ୟୁନିଟ ରକ୍ତ ଅ।ବଶ୍ୟକ ହୋଇଥାଏ ମାତ୍ର ଆଜି ସକାଳ ସମୟରେ ୨୧ ୟୁନିଟ ରକ୍ତ ହସପିଟାଲର ରୋଗୀଙ୍କ ଚିକିତ୍ସା ପାଇଁ ଦିଆଯାଇଥିବା ବେଳେ ଆଉ ୩ ୟୁନିଟ ରକ୍ତ ଗଚ୍ଛିତ ରହିଛି । ତେବେ ଯଦି ରାତିରେ କୌଣସି ରୋଗୀଙ୍କ ଜରୁରୀ ହୁଏ ତେବେ ଏହା ମଧ୍ୟ ଶେଷ ହୋଇଯିବ । ତେବେ ପୁର୍ବରୁ ଭିମସାର ରକ୍ତଭଣ୍ଡାର ଇତିହାସରେ ଏଭଳି ରକ୍ତର ଅଭାବ କେବେ ମଧ୍ୟ ପରିଲକ୍ଷିତ ହୋଇ ନ ଥିବା ଦୃଷ୍ଟାନ୍ତ ରହିଛି । ଏହା ସହିତ କୌଣସି ଜରୁରୀକାଳିନ ଚିକିତ୍ସା, ଥାଲାସେମିଆଁ ତଥା ସ୍ତ୍ରୀ ଓ ପ୍ରସୁତୀ ଏବଂ ଦୁର୍ଘଟଣାଗ୍ରସ୍ତ ରୋଗୀଙ୍କ ପାଇଁ ଜରୁରୀକାଳୀନ ଭିତ୍ତିରେ ରକ୍ତର ଆବଶ୍ୟକତା ପଡ଼ିଲେ କିଭଳି ଭାବରେ ଏହାକୁ ଭରଣା କରାଯିବ ତାକୁ ନେଇ ଚିନ୍ତା ପ୍ରକାଶ ପାଉଛି ।
ବୁର୍ଲା ଭିମସାରର ରକ୍ତ ଭଣ୍ଡାରରେ ରକ୍ତର ଅଭାବ
Popular Categories
Previous article
Next article