ବୌଦ୍ଧ : ଓଡ଼ିଶା ବିଧାନସଭାର ଉପବାଚସ୍ପତି ରଜନୀକାନ୍ତ ସିଂହ ଭୁବନେଶ୍ୱର ଗସ୍ତରେ ଯାଉଥିବାବେଳେ ବୌଦ୍ଧରେ ସ୍ୱଳ୍ପ ସମୟ ରହଣି ସମୟରେ ଐତିହାସିକ ସଂଗ୍ରହାଳୟକୁ ବୁଲି ଦେଖିଥିଲେ। ବୌଦ୍ଧର ଐତିହାସିକ ସଂଗ୍ରହାଳୟ ଦେଖି ଶ୍ରୀ ସିଂହ ଅଭିଭୁତ ହେବା ସହିତ ଜିଲ୍ଲା ପାଇଁ ଏହି ସଂଗ୍ରହାଳୟ ପରିଚୟ ସୃଷ୍ଟି କରିବ ବୋଲି ମତବ୍ୟକ୍ତ କରିଥିଲେ। ଶହେବର୍ଷ ପୂର୍ବରୁ ରାଜାଙ୍କ ଦ୍ୱାରା ନିର୍ମିତ ପୂରାତନ କଚେରୀ କୋଠାକୁ ସଂଗ୍ରହାଳୟ ଭାବରେ ଉପଯୁକ୍ତ ସଂରକ୍ଷଣ ମିଳିବା ସହିତ ଏଥିରେ ସ୍ଥାନିତ ହୋଇଥିବା ପୂରାତନ ସାମଗ୍ରୀ ଅଂଚଳର ପୂରାତନ ଲୋକକଳା,ସଂସ୍କୃତି, ହସ୍ତଶିଳ୍ପ, କାରିଗରୀ ଓ କିର୍ତ୍ତିରାଜୀକୁ ସଂରକ୍ଷଣ ମିଳିବ ଏବଂ ରାଜ୍ୟ ବାହାରର ପର୍ଯ୍ୟଟକମାନଙ୍କୁ ଆକର୍ଷିତ କରିବ ବୋଲି ଶ୍ରୀ ସିଂହ ପ୍ରଶଂସା କରିଥିଲେ। ଉପବାଚସ୍ପତି ଶ୍ରୀ ସିଂହଙ୍କ ସହିତ ବୌଦ୍ଧ ବିଧାୟକ ପ୍ରଦୀପ କୁମାର ଅମାତ, ଜିଲାପାଳ ଲଲାଟେନ୍ଦୁ ମିଶ୍ର, ଡେପୁଟି କଲେକ୍ଟର ଅବିନାଶ ପାଣ୍ଡିଆ, ବରିଷ୍ଠ ଆଇନଜିବୀ ତାରେଣୀ ମହାପାତ୍ର, ଜିଲା ଯୁବ ବିଜେଡି ସଭାପତି ମୃତ୍ୟୁଞ୍ଜୟ ମିଶ୍ର, ବିଜେଡି ଜୋନାଲ ସଭାପତି ଅଶୋକ କୁମାର ସାହୁ ଓ ଆର୍କିଟେକ ସୁମନ ଷଡଙ୍ଗି ପ୍ରମୁଖ ଉପସ୍ଥିତ ଥିଲେ।
Comments are closed.