ନିରାକାରପୁର : ନିରାକାରପୁର ଥାନା ଅର୍ନ୍ତଗତ ୧୬ ନମ୍ବର ଜାତୀୟ ରାଜପଥରେ ଲୁଟ ହୋଇଥିବା ଅଭିଯୋଗ ମିଳିଛି। ମିଳିଥିବା ସୂଚନା ଅନୁସାରେ କଲିକତାରୁ ବିଜୟୱାଡା ଯାଉଥିବା ଆଇଟିସି କମ୍ପାନୀର ସିଗାରେଟ ବୋଝେଇ ଟ୍ରକକୁ ୬ ଜଣ ଦୁବୁର୍ତ୍ତ ଲୁଟିନେଇଛନ୍ତି। ଶୁକ୍ରବାର ରାତି ୮ଟା ସମୟରେ ୧୬ନମ୍ବର ଜାତୀୟ ରାଜପଥ ନିକଟବର୍ତ୍ତି ରାମେଶ୍ୱର ଠାରେ ଏକ ୧୦ଚକିଆ ଟ୍ରକ ସିଗାରେଟ ବୋଝେଇ ଟ୍ରକ ସମ୍ମୁଖରୁ ବନ୍ଦ କରିଥିଲା। ଏହାପରେ ୬ଜଣ ଦୁବୁର୍ତ୍ତ ମରଣାସ୍ତ୍ର ଦେଖାଇ ସିଗାରେଟ ବୋଝେଇ ଟ୍ରକକୁ ଉକ୍ତ ସ୍ଥାନରୁ ୧କିମି ଦୂର ଜଙ୍ଗଲ ରାସ୍ତାକୁ ନେଇ ଯାଇଥିଲେ। ସେଠାରେ ଟ୍ରକ ଡ୍ରାଇଭରକୁ ଏକ ଗଛରେ ବାନ୍ଧି ୩କୋଟି ଟଙ୍କାରୁ ଊର୍ଦ୍ଧ୍ବ ସିଗାରେଟକୁ ଲୁଟି ନେଇଥିଲେ। ଟ୍ରକ ଡ୍ରାଇଭର ରାତି ୨ଟାରେ ନିଜକୁ ବନ୍ଧକରୁ ମୁକୁଳି ନିକଟସ୍ଥ ଜଙ୍କିଆ ଥାନାରେ ଏକ ଏତଲା ଦେଇଥିଲେ। ନିରାକାରପୁର ପୁଲିସ ଘଟଣା ସ୍ଥଳରେ ପହଁଞ୍ଚି ତଦନ୍ତ ଆରମ୍ଭ କରିଛି।
Popular Categories
Previous article
Next article