ବେଲପଡା : ବେଲପଡା ଥାନା ଡୁଙ୍ଗରିପାଲି ଡ୍ୟାମରୁ ଗୁରୁବାର ଜଣେ ଅଚିହ୍ନା ମହିଳାଙ୍କ ମୃତଦେହ ପୁଲିସ ଉଦ୍ଧାର କରିଛି। ଉଦ୍ଧାର ହୋଇଥିବା ମହିଳାଙ୍କ ପଚିଚୟ ମିଳିନଥିବା ବେଳେ ମୃତ ଶରୀରକୁ ଦେଖିଲେ କେହିଁ ହତ୍ୟା କରି ପାଣିରେ ଫିଙ୍ଗିଦେଇଥିବା ଭଳି ଜଣାପଡୁଛି। ପୁଲିସ ତଦନ୍ତ ପରେ ହତ୍ୟା ନା ଆତ୍ମହତ୍ୟା ଜଣାପଡିବ।
ପୁଲିସ ସୂତ୍ରରୁ ପ୍ରକାଶ ଯେ, ବେଲପଡା ଥାନା ଡୁଙ୍ଗରିପାଲି ଡ୍ୟାମକୁ ଆଜି ସକାଳେ ଲୋକମାନେ ଶୈାଚପାଇଁ ଯିବା ସମୟରେ ପାଣିରେ ଜଣେ ମହିଳାଙ୍କ ମୃତଦେହ ଭାସୁଥିବା ଦେଖିବାକୁ ପାଇଥିଲେ। ମୃତଦେହଟିର ସମସ୍ତ ଅଙ୍ଗ ଫୁଲି ଯାଇଛି। ପରେ ବେଲପଡା ପୁଲିସ ଘଟଣା ସ୍ଥଳରେ ପହଞ୍ଚି ମୃତଦେହକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ପାଟଣାଗଡ ପଠାଯାଇଥିବା ଏବଂ ପରିଚୟ ମିଳିନଥିବା କହିଛି। ପୁଲିସ ନିଷ୍କ୍ରିୟତା ଯୋଗୁଁ ଅଞ୍ଚଳଳରେ କ୍ରମାଗତ ଭାବେ ହତ୍ୟା, ଆତ୍ମହତ୍ୟା, ଚୋରି, ଲୁଟପାଟ ଘଟଣା ବୃଦ୍ଧି ପାଇବାରେ ଲାଗିଛି। ଖୁଲମ ଖୁଲା ଅପରାଧିମାନେ ବୁଲୁଥିବା ସତ୍ବେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉନାହିଁ। ଫଳରେ ଅପରାଧ ବୃଦ୍ଧି ପାଉଥିବା ସାଧାରଣରେ ଚର୍ଚ୍ଚା ହେଉଛି। ଜିଲା ପୁଲିସ ଏଅଞ୍ଚଳ ଉପରେ ଦୃଷ୍ଟିଦେଇ ଆଇନ ଶୃଙ୍ଖଳା ପରିସ୍ଥିତିକୁ ସୁଧାରିବା ପାଇଁ ଦାବି ହେଉଛି।
