ବଡ଼ସାହି : ମୟୁରଭଞ୍ଜ ଜିଲା ବାରିପଦା ନିକଟ ଘରୋଇ ଇଞ୍ଜିନିୟରିଂ କଲେଜର ୨ୟ ବର୍ଷ ଡ଼ିପ୍ଲମା ଛାତ୍ର ଜଣେ ସପ୍ତମ ଶ୍ରେଣୀର ଛାତ୍ରୀକୁ ଗତ ରବିବାର ଅପହରଣ କରିଥିବା ନେଇ ପରିବାର ପକ୍ଷରୁ ଥାନାରେ ଅଭିଯୋଗ କରାଯାଇଥିଲା।
ସୂଚନା ଅନୁଯାୟୀ, ଅପହରଣକାରୀ ଜଣଙ୍କ ଜଣେ ବାରିପଦା ନିକଟ ଘରୋଇ ଇଞ୍ଜିନିୟରିଂ କଲେଜର ୨ୟ ବର୍ଷ ଡ଼ିପ୍ଲମା ଛାତ୍ର(୧୭) ନିଜ ଘର ଠାରୁ ୪କିମି ଦୂରରଥିବା ଗ୍ରାମର ଛାତ୍ରୀ ଜଣଙ୍କୁ ଗତ ରବିବାର ଅପହରଣ କରିଥିବା ନେଇ ଥାନାରେ ଅଭିଯୋଗ କରାଯାଇଥିଲା। ଏହାପରେ ପୁଲିସ ଏକ ମାମଲା ରୁଜୁ କରି ତଦନ୍ତ ଚଳାଇଥିଲେ ମଧ୍ୟ ଉଭୟଙ୍କୁ ଠାବ କରିପାରିନାହିଁ। ଛାତ୍ରୀ ଜଣଙ୍କ ଘରେ ୫ଦିନ ଧରକୁ ଫେରି ନ ଥିବାବେଳେ ଘରଲୋକେ ଅସ୍ତବ୍ୟସ୍ତ ହୋଇପଡ଼ିଛନ୍ତି। ନିଜ ଘରେ ଚୁଲି ଜଳୁ ନ ଥିବା ବେଳେ ପଡ଼ୋଶୀ ଲୋକ ବୁଝାଇ ନିଜ ନିଜ ଘରୁ ଖାଦ୍ୟ ନେଇ ପରିବାର ଲୋକଙ୍କୁ ଦେଉଥିବା ଜଣାପଡ଼ିଛି । ତେବେ ଅପହୃତା ଛାତ୍ରୀଙ୍କ ଜେଜେ ମାଆ ଖାଦ୍ୟ ଗ୍ରହଣ କରୁ ନ ଥିବାରୁ ଗୁରୁତର ଅସୁସ୍ଥ ହୋଇପଡ଼ିଛନ୍ତି। ଉପାୟ ନ ପାଇ ଗୁରୁବାର ଛାତ୍ରୀଙ୍କ ବାପା-ମାଆ ବାରିପଦାରେ ଏସପିଙ୍କୁ ଭେଟି ନେହୁରା ହେବା ପରେ ୩ଟି ଟିମ୍ ବିଭିନ୍ନ ସ୍ଥାନରେ ତଲାସି ଜୋରଦାର ଚଳାଇଛନ୍ତି।
Comments are closed.