ଗଞ୍ଜାମ: ଗଞ୍ଜାମ ଜିଲା ବଡ଼ଗଡ଼ ଥାନା ଖଜୁରୀପଦା ଅଞ୍ଚଳରେ ଶୁକ୍ରବାର ବ୍ୟାପକ ଗଞ୍ଜେଇ ଗଛ ନଷ୍ଟକୁ ନେଇ ଗ୍ରାମବାସୀ ତୀବ୍ର ବିରୋଧ କରିଛନ୍ତି। ଅବକାରୀ ଓ ପୁଲିସ କର୍ମଚାରୀଙ୍କ ସହ ଗ୍ରାମବାସୀଙ୍କ ଯୁକ୍ତିତର୍କ ଏବଂ କଥା କଟାକଟି ହୋଇଛି। ମଦ ଦୋକାନ ବନ୍ଦ ନକରି ଗଞ୍ଜେଇ ଗଛ କାହିଁକି ନଷ୍ଟ କରୁଛ ଏହି ଅଭିଯୋଗ କରି ଲୋକେ ଉତ୍ତ୍ୟକ୍ତ ହୋଇଥିଲେ। ମିଳିଥିବା ସୂଚନା ଅନୁଯାୟୀ, ବଡ଼ଗଡ଼ ଥାନା ଖଜୁରୀପଦା ଅଞ୍ଚଳରେ ଏହି ଗଞ୍ଜେଇ ଚାଷ ହୋଇଥିଲା। ପ୍ରାୟ ୪୦ ଏକର ଜମିରେ ହୋଇଥିବା ଉକ୍ତ ଗଞ୍ଜେଇ ଗଛ ପୋଡ଼ି ନଷ୍ଟ କରାଯିବାରୁ ଉତ୍ତେଜନା ସୃଷ୍ଟି ହୋଇଥଲା। ଉତ୍ତେଜନା କାରଣରୁ ଘଟଣାସ୍ଥଳରେ ଆସିକା ଏସଡ଼ିପିଓ, ଗଞ୍ଜାମ ଡ଼ିଏସପି, ୩ ପ୍ଲାଟୁନ ପୁଲିସ ଫୋର୍ସ ସହ ଧରାକୋଟ ତହସିଲଦାର ଏବଂ ଅବକାରୀ ଟିମ ଉପସ୍ଥିତ ରହିଥିବା ଜଣାପଡ଼ିଛି।
Popular Categories
Previous article
Next article