କଟକ: ୨୪ ଘଣ୍ଟାରେ କଟକ ପୁଲିସ୍କୁ ଆଉ ଏକ ସଫଳତା ମିଳିଛି । ଏନକାଉଣ୍ଟରରେ ଯୁଗ ଓରଫ ବସିର ଖାଁର ଡ଼ାହାଣ ଗୋଡ଼ରେ ଗୁଳି ବାଜିଛି । ତାକୁ କଟକ ବଡ଼ ମେଡିକାଲରେ ଭର୍ତ୍ତି କରାଯାଇଛି । କଟକ ଜିଲ୍ଲା ସଦର ଥାନା ଅନ୍ତର୍ଗତ ବ୍ରାହ୍ମଣଝରିଲୋରେ ପୁଲିସ ଏହି ଏନକାଉଣ୍ଟର କରିଛି । କୁରୁଣ୍ଟି ଠିକାଦାର ଓ ପିସିଆର ଭ୍ୟାନ୍ ଉପରକୁ ବୋମା ମାଡ଼ ଓ ଆକ୍ରମଣରେ ଯୁଗ ସମ୍ପୃକ୍ତ ଥିଲା । ଯୁଗ ପାଖରୁ ୩ଟି ବୋମା ଓ ମୋବାଇଲ ଜବତ କରାଯାଇଛି । ପୂର୍ବରୁ ଯୁଗର ସହଯୋଗୀ କାବୁ ମୁଣ୍ଡାକୁ ଏନକାଉଣ୍ଟର କରାଯାଇଥିଲା । କାବୁ ମୁଣ୍ଡାର ବାମ ଗୋଡ଼ରେ ଗୁଳି ବାଜିଥିଲା । ତାକୁ ମଧ୍ୟ କଟକ ବଡ଼ ମେଡିକାଲରେ ଭର୍ତ୍ତି କରାଯାଇଛି । ପୁଲିସ ଗାଡ଼ିକୁ ବୋମା ମାଡ଼ କରିଥିଲା କାବୁଆ । ତା ନିକଟରୁ ଗୋଟିଏ ବନ୍ଧୁକ,୨ଟି ଗୁଳି ଓ ଗୋଟିଏ ଖୋକା ଜବତ କରାଯାଇଥିଲା ।
