ନୂଆଦିଲ୍ଲୀ – ସୁନାଦର ପୁଣି ବୃଦ୍ଧି ପାଇଛି । ଦେଶର ଗହଣା ବଜାରରେ ସୁନାଦର ଲଗାତର ବୃଦ୍ଧି ପାଉଛି । ଡିସେମ୍ବର ୨୨ ତାରିଖ ସକାଳେ ସୁନା ଏବଂ ରୂପା ଉଭୟର ମୂଲ୍ୟ ବୃଦ୍ଧି ପାଇଛି । ୯୯୯ ଶୁଦ୍ଧତା ଥିବା ୨୪ କ୍ୟାରେଟ୍ ସୁନାଦର ପ୍ରତି୧୦ ଗ୍ରାମ ୬୨ ହଜାର ଟଙ୍କାରେ ପହଞ୍ଚିଛି । ସେହିପରି ରୂପା କିଲୋଗ୍ରାମ ପ୍ରତି ୭୪ ହଜାର ଟଙ୍କା ପାର କରିଛି ।
ଜାତୀୟସ୍ତରରେ ୯୯୯ ଶୁଦ୍ଧତା ଥିବା ୨୪ କ୍ୟାରେଟ୍ ସୁନା ପ୍ରତି ୧୦ ଗ୍ରାମ ୬୨୬୬୧ ଟଙ୍କାରେ ପହଞ୍ଚିଛି । ସେହିପରି ୯୯୯ ଶୁଦ୍ଧତା ଥିବା ରୂପା କିଲୋ ପ୍ରତି ୭୪୭୦୯ରେ ପହଞ୍ଚିଛି ।
ଇଣ୍ଡିଆ ବୁଲିଅନ୍ ଆଣ୍ଡ ଜୁଏଲର୍ସ ଆସୋସିଏସନ୍ ଅନୁସାରେ ଗୁରୁବାରରେ ଶୁଦ୍ଧ ସୁନାଦର ୧୦ ଗ୍ରାମ ପ୍ରତି ୬୨୩୩୫ ଟଙ୍କା ରହିଥିଲା । ଶୁକ୍ରବାରରେ ଏହା ୬୨୬୬୧ ଟଙ୍କାରେ ପହଞ୍ଚିଛି ।
ସେହିପରି ୨୨ କ୍ୟାରେଟ୍ ୯୧୬ ଶୁଦ୍ଧତା ଥିବା ସୁନା ୧୦ ଗ୍ରାମ ପ୍ରତି ୫୭୩୯୮ ଟଙ୍କା ଥିବା ବେଳେ ୭୫୦ ଶୁଦ୍ଧତା ଥିବା ୧୮ କ୍ୟାରେଟ୍ ସୁନା୪୬୯୯୬ ଟଙ୍କା ଏବଂ ୫୮୫ ଶୁଦ୍ଧତା ଥିବା ୧୪ କ୍ୟାରେଟ୍ ସୁନା ପ୍ରତି ୧୦ ଗ୍ରାମ ୩୬୬୫୭ ଟଙ୍କା ରହିଛି ।
