ଶ୍ରୀନଗର: ଜମ୍ମୁ କାଶ୍ମୀରର ଦେବସର ଅଞ୍ଚଳରେ ଭାରତୀୟ ନିରାପତ୍ତା ବାହିନୀର କାର୍ଯ୍ୟାନୁଷ୍ଠାନରେ ୨ ଆତଙ୍କବାଦୀ ପ୍ରାଣ ହରାଇଛନ୍ତି । ଅନ୍ୟପକ୍ଷରେ ବୁଧବାର ଦିନ ଆତଙ୍କିଙ୍କ ଆକ୍ରମଣରେ ଜଣେ ଭାରତୀୟ ଯବାନ ପ୍ରାଣ ହରାଇବା ସହିତ ଅନ୍ୟ ଦୁଇଜଣ ଆହତ ହୋଇଛନ୍ତି । ଦକ୍ଷିଣ କାଶ୍ମୀରର ସୋପିଆନରେ ଏହି ଘଟଣା ଘଟିଛି । ସେନା ଯବାନଙ୍କ କାର୍ଯ୍ୟାନୁଷ୍ଠାନରେ ନିହତ ଦୁଇ ଆତଙ୍କବାଦୀ ଲସ୍କର ଇ ତଇବାର ସଦସ୍ୟ ବୋଲି ଜଣାଯାଇଛି । ସେମାନଙ୍କ ମଧ୍ୟରୁ ଜଣେ ଉତ୍ତର ପ୍ରଦେଶର ଜଣେ ପ୍ରବାସୀ ଶ୍ରମିକଙ୍କୁ ପୁଲୱାମାରେ ଗୁଳିମାରି ହତ୍ୟା କରିଥିଲା । ଦୁଇ ସପ୍ତାହ ମଧ୍ୟରେ କାଶ୍ମୀର ଉପତ୍ୟକାରେ ୧୫ ଜଣ ଆତଙ୍କବାଦୀ ସୁରକ୍ଷା ବାହିନୀ କାର୍ଯ୍ୟାନୁଷ୍ଠାନରେ ପ୍ରାଣ ହରାଇଲେଣି । ନିହତ ଆତଙ୍କି ଆଦିଲ ୱାନି ଉତ୍ତର ପ୍ରଦେଶ ସାହାରାନପୁରର ଜଣେ ବଢେଇ ସାକିର ୱାନିଙ୍କୁ ଗୁଳିକରି ହତ୍ୟା କରିଥିଲା । ସୂଚନାଯୋଗ୍ୟ ଯେ କାଶ୍ମୀର ଉପତ୍ୟକାରେ ଆତଙ୍କବାଦୀ କାର୍ଯ୍ୟକଳାପ ହଠାତ ବୃଦ୍ଧି ପାଇଥିବାବେଳେ କେବଳ ଅକ୍ଟୋବର ମାସରେ ଆତଙ୍କି ଆକ୍ରମଣରେ ୧୧ ଜଣ ସାଧାରଣ ଲୋକ ପ୍ରାଣ ହରାଇଲେଣି ।
Popular Categories
Previous article
Next article