ସୁନ୍ଦରଗଡ଼ : ସୁନ୍ଦରଗଡ଼ ଅତିରିକ୍ତ ଜିଲା ଜଜ୍ ତଥା ସ୍ବତନ୍ତ୍ର ପୋକ୍ସୋ ଅଦାଲତର ପ୍ରିଜାଇଣ୍ଡିଂ ଅଫିସର ପାର୍ଥ ସାରଥୀ ପଟ୍ଟନାୟକ ୨୦୧୩ରେ ସଂଗଠିତ ଏକ ଶିଶୁକନ୍ୟା ଦୁଷ୍କର୍ମ ମାମଲାର ଶୁଣାଣି କରି ଅଭିଯୁକ୍ତ ଦୁଷ୍କର୍ମକାରୀ ବୃଦ୍ଧଙ୍କୁ ୧୦ବର୍ଷ ସଶ୍ରମ କାରାଦଣ୍ଡରେ ଦଣ୍ଡିତ କରିବା ସହ ୫ହଜାର ଟଙ୍କା ଜରିମାନା ପ୍ରଦାନ କରିବା ପାଇଁ ଆଦେଶ ଦେଇଛନ୍ତି । ଜରିମାନା ଅନାଦେୟ ଅଧିକ ୧ବର୍ଷ ସଶ୍ରମ କାରାଦଣ୍ଡ ଭୋଗିବାକୁ ନିଜ ରାୟରେ ସ୍ପଷ୍ଟ କରିବା ସହ ପୀଡ଼ିତା ଶିଶୁକନ୍ୟାକୁ ୩ଲକ୍ଷ ଟଙ୍କା କ୍ଷତିପୂରଣ ବାବଦରେ ପ୍ରଦାନ କରିବା ପାଇଁ କହିଛନ୍ତି । ମୋକଦ୍ଦମାର ବିବରଣୀରୁ ପ୍ରକାଶ, ଗତ ୨୫.୩.୨୦୧୩ ଦିନ ଅଭିଯୋଗକାରିଣୀ ସମା କୁଜୁର ନିଜ ଶଶୁର ଘର ବୀରମିତ୍ରପୁର ଥାନା ଅନ୍ତର୍ଗତ ଜଗଦୀଶପୁରକୁ ଏକ ଉତ୍ସବରେ ଯୋଗଦେବା ପାଇଁ ଯାଇଥିଲେ । ସେଦିନ ରାତି ୮ଟାରେ ତାଙ୍କ ଶିଶୁକନ୍ୟା ବାରଣ୍ଡାରେ ଖେଳୁଥିବା ବେଳେ ପଡ଼ିଶା ଘରେ ରହୁଥିବା ତଥା ଅଭିଯୁକ୍ତ ପାଣ୍ଡୁକ କିଶାନ ପ୍ରୋକ୍ତା ଶିଶୁକନ୍ୟାକୁ ଫୁସଲାଇ ନେଇ ଦୁଷ୍କର୍ମ କରିଥିବାର ଅଭିଯୋଗ ହୋଇଥିଲା। ତତ୍କାଳୀନ କୁଆରମୁଣ୍ଡା ଫାଣ୍ଡି ଅଧିକାରୀ ଅଶ୍ବିନୀ ସାହୁ ମାମଲା ରୁଜୁ କରି ଅଭିଯୁକ୍ତଙ୍କୁ ଅଦାଲତରେ ହାଜର କରିଥିଲେ। ଏକାଧିକ ଶୁଣାଣି ପରେ ବିଚାରପତି ପଟ୍ଟନାୟକ ଅଭିଯୁକ୍ତ ପାଣ୍ଡୁକକୁ ଉପରୋକ୍ତ ଦଣ୍ଡାଦେଶ ଶୁଣାଇଥିଲେ। ସରକାରଙ୍କ ପକ୍ଷରୁ ସ୍ବତନ୍ତ୍ର ସାଧାରଣ ଅଭିଯୋଜକ ଦେବାଶିଷ ମିଶ୍ର ମକୋଦ୍ଦମା ପରିଚାଳନା କରିଥିଲେ ।
Popular Categories
Previous article
Next article