ଗୁରୁଡିଝାଟିଆ: ବାଦୁଡି ଓ ଚେମେଡି ଚଢ଼େଇ ଚୋରା ଚାଲାଣ ବେଳେ ଖୁଣ୍ଟୁଣୀ ବନାଞ୍ଚଳ ପକ୍ଷରୁ ଚଢ଼ାଉ କରି ୧୦ ଅଭିଯୁକ୍ତଙ୍କୁ ଧରିଛି। ଏହା ସହିତ ଏକ ଅଟୋ ସହିତ ୭୯୬ଟି ବାଦୁଡ଼ି ଜବତ କରାଯାଇଛି। ଅଭିଯୁକ୍ତମାନଙ୍କୁ ଅଟକ ରଖି ପଚରାଉଚରା କରାଯାଉଛି।
ବନାଞ୍ଚଳ ଅଧିକାରୀ ନୀଳମାଧବ ସାହୁ ବିଶ୍ଵସ୍ତ ସୂତ୍ରରୁ ଖବର ପାଇ କପୁରିଶିଂହ ନିକଟରୁ ଅଟୋରେ ବୋଝେଇ ଥିବା ୭୯୬ ବାଡୁଡ଼ି ଓ ଚେମେଡି ଚଢ଼େଇକୁ ଜବତ କରିଥିଲେ। କପୁରିଶିଂହ ନିକଟରେ ଏକ ପରିତ୍ୟକ୍ତ କାରଖାନା ଭିତରୁ ଅଟକ ଅଭିଯୁକ୍ତମାନେ ବାଡ଼ୁଡ଼ି ଓ ଚେମେଡି ଚଢାଇକୁ ମାରି ଭୁବନେଶ୍ୱର ଅଟୋ ଯୋଗେ ନେଉଥିଲେ। ଜବତ ବଦୁଡ଼ି ଓ ଚେମେଡି ଚଢାଇ ମଧ୍ୟରୁ ମାତ୍ର ୪ ଟି ବଞ୍ଚିଥିବା ବେଳେ ଅନ୍ୟ ସମସ୍ତ ମରିଯାଇଥିଲେ। ବନ ବିଭାଗ ପକ୍ଷରୁ ତଦନ୍ତକୁ ଜୋରଦାର କରାଯାଇଛି। ଅଭିଯୁକ୍ତମାନଙ୍କ ନାମ ପ୍ରକାଶ କରାଯାଇନାହିଁ।
