ବାରିପଦା : ବାରିପଦାଠାରୁ ୨୨ କିଲୋମିଟର ଦୂର ୧୮ ନମ୍ବର ଜାତୀୟ ରାଜପଥରେ ବାଙ୍ଗିରିପୋଷୀ ଥାନା ଅଞ୍ଚଳରେ ପୋଖରୀମୁଣ୍ଡାକଟା ଗ୍ରାମ ନିକଟରେ ଆଜି ଦିନ ଗୋଟାଏ ବେଳେ ଯାତ୍ରୀବାହୀ ବସ୍କୁ ପଛ ପଟୁ ଏକ ମାଲ ବୋଝେଇ ଟ୍ରକ ଧକ୍କା ଦେଇଥିଲା। ଏଥିରେ ୭ ଜଣ ଯାତ୍ରୀ ଆହତ ହୋଇଛନ୍ତି । ଆହତ ହୋଇଥିବା ବସ୍ର ୭ ଜଣ ଯାତ୍ରୀଙ୍କୁ ଚିକିତ୍ସା ପାଇଁ ବାରିପଦା ସ୍ଥିତ ପଣ୍ଡିତ ରଘୁନାଥ ମୁର୍ମୁ ମେଡିକାଲ କଲେଜରେ ଭର୍ତ୍ତି କରାଯାଇଛି।
ବାରିପଦାଠାରୁ ପଡୋଶୀ ରାଜ୍ୟ ଚାକୁଳିଆ ଯାଉଥିବା ଟାରଜନ ନାମକ ଏକ ଯାତ୍ରୀବାହୀ ବସ୍କୁ ପଛ ପଟୁ ଏକ ପିଚୁ ଡ୍ରମ ବୋଝେଇ ଟ୍ରକ ଧକ୍କା ଦେବା ଯୋଗୁଁ ଏହି ଦୁର୍ଘଟଣା ଘଟିଥିଲା।
