ନୂଆଦିଲ୍ଲୀ: ଦେଶରେ ହୁ ହୁ ହୋଇ ବଢିଚାଲିଥିବା ପେଟ୍ରୋଲ ଏବଂ ଡିଜେଲ ଦର ବୃଦ୍ଧିିକୁ କେନ୍ଦ୍ର କରି ଦେଶବ୍ୟାପୀ ବନ୍ଦ ପାଳନ ସତ୍ତ୍ବେ ସୋମବାର ବଜାରରେ ତୈଳ ମୂଲ୍ୟରେ ବୃଦ୍ଧିି ଧାରା ଜାରି ରହିଛି। ଅପରପକ୍ଷେ ଉତ୍ପାଦ ଶୁଳ୍କରେ ହ୍ରାସ ଜରିଆରେ ଦର ବୃଦ୍ଧିିରୁ ଖାଉଟିଙ୍କୁ ନିସ୍ତାର ଦେବାକୁ ଦାବି ହେଉଥିଲେ ମଧ୍ୟ ଏହାକୁ କେନ୍ଦ୍ର ସରକାର ଅଗ୍ରାହ୍ୟ କରିଛନ୍ତି। ଇତି ମଧ୍ୟରେ ଢିଜେଲ ଦରରେ ବୃଦ୍ଧିି ଯୋଗୁ ପ୍ରତ୍ୟେକ ଦିନ ଏହା ସର୍ବକାଳୀନ ରେକର୍ଡ ମୂଲ୍ୟରେ ପହଞ୍ଚୁଛି।
ନୂଆଦିଲ୍ଲୀଠାରେ ପେଟ୍ରୋଲ ଲିଟର ପିଛା ୨୩ ପଇସା ବୃଦ୍ଧିି ଘଟି ୮୦ ଟଙ୍କା ୭୩ ପଇସା ଏବଂ ଡିଜେଲରେ ୨୨ ପଇସା ବୃଦ୍ଧିି ୭୨ ଟଙ୍କା ୮୩ ପଇସାକୁ ବୃଦ୍ଧି ଘଟିଛି। ଦେଶରେ ମୁମ୍ବଇରେ ପେଟ୍ରୋଲ
ଲିଟର ସର୍ବାଧିକ ୮୮ ଟଙ୍କା ୧୨ ପଇସା ଏବଂ ଡିଜେଲ ଲିଟର ପିଛା ୭୭ ଟଙ୍କା ୭୨ ପଇସାରେ ପହଞ୍ଚିଛି। ଭୁବନେଶ୍ୱରରେ ଆଜି ପେଟ୍ରୋଲ ଲିଟର ପିଛା ୨୩ ପଇସା ବୃଦ୍ଧି ଘଟି ୭୯ ଟଙ୍କା ୬୪ ପଇସାରେ ପହଞ୍ଚି ୮୦ ଟଙ୍କା ନିକଟତର ହୋଇଛି। ରବିବାର ଏହା ଲିଟର ପିଛା ୭୯ ଟଙ୍କା ୪୧ ପଇସା ରହିଥିଲା। ସେହିଭଳି ଆଜି ଡିଜେଲ ମୂଲ୍ୟରେ ଲିଟର ପିଛା ୨୪ ପଇସା ବୃଦ୍ଧିି ଘଟି ୭୮ ଟଙ୍କା ୨୦ ପଇସା ହୋଇଛି। ଗତକାଲି ଏହା ଲିଟର ପିଛା ୭୭ ଟଙ୍କା ୯୬ ପଇସା ରହିଥିଲା। ଏଭଳି ସ୍ଥଳେ କେନ୍ଦ୍ର ସରକାର ଉତ୍ପାଦ ଶୁଳ୍କରେ କିମ୍ବା ରାଜ୍ୟ ସରକାର ଭାଟ୍ରେ ହ୍ରାସ ଘଟାଇ ରାଜସ୍ୱ କ୍ଷତି କରିବାକୁ ଚାହୁଁନାହାନ୍ତି। ଉତ୍ପାଦ ଶୁଳ୍କରେ ହ୍ରାସ କଲେ ଏହା ବିତ୍ତୀୟ ନିଅଣ୍ଟକୁ ପ୍ରଭାବିତ କରିବ ବୋଲି କେନ୍ଦ୍ର ସରକାର ଆଶଙ୍କା ପ୍ରକାଶ କରଥିବା ଜଣେ ବରିଷ୍ଠ ଅଧିକାରୀ କହୁଛନ୍ତି। ଅଧିକାରୀ ଜଣକ କହିବାନୁଯାୟୀ, ବିହାର, କେରଳ, ପଞ୍ଜାବ ଭଳି ରାଜ୍ୟ ବିକ୍ରି ଟିକସ କିମ୍ବା ଭାଯ୍ରେ ହ୍ରାସ କରିବା ସ୍ଥିତିରେ ନାହାନ୍ତି। ଅନ୍ତର୍ଜାତୀୟ ବଜାରରେ ଅଶୋଧିତ ତୈଳ ମୂଲ୍ୟରେ ବୃଦ୍ଧି ସହ ଆମେରିକୀୟ ଡଲାର ତୁଳନାରେ ଟଙ୍କାର ବିନିମୟ ମୂଲ୍ୟରେ ହ୍ରାସ ଫଳରେ ଉଭୟ ପେଟ୍ରୋଲ ଏବଂ ଡିଜେଲ ମୂଲ୍ୟରେ ବୃଦ୍ଧି ଘଟିଛି।
