ନୂଆଦିଲ୍ଲୀ : ଚଳିତବର୍ଷ ଶେଷ ଆଡକୁ ବିବାହ କରିବେ ବଲିଉଡର ଚର୍ଚ୍ଚିତ ଯୋଡି ରଣବୀର ସିଂ ଓ ଦୀପିକା ପାଦୁକୋନ। ଦୀପବୀରଙ୍କ ବିବାହ ନେଇ ଜାତୀୟ ଗଣମାଧ୍ୟମରେ ଚର୍ଚ୍ଚା ଜୋର ଧରିଛି। ମୁମ୍ବଇ ମିରର ରିପୋର୍ଟ ମୁତାବକ, ଆସନ୍ତା ସେପ୍ଟେମ୍ବରରୁ ଡିସେମ୍ବର ମଧ୍ୟରେ ରଣବୀର ଓ ଦୀପିକାଙ୍କ ବିବାହ ଲାଗି ସେମାନଙ୍କ ପରିବାର ଲୋକେ କେତୋଟି ତାରିଖ ଠିକ୍ କରିଛନ୍ତି। ସେହିପରି ବିବାହ ସ୍ଥାନ ଭାରତ ଓ ବିଦେଶରେ ହେବା ନେଇ ମଧ୍ୟ ପ୍ରସ୍ତୁତି ଚାଲିଛି। ଏଥିପାଇଁ ଦୀପିକା ସାନ ଭଉଣୀ ଅନିଷା ଓ ମା’ ଉଜଲାଙ୍କ ସହ ମିଶି ଶପିଂ ଆରମ୍ଭ କରିଦେଲେଣି। ଅପରପକ୍ଷରେ ବିବାହ ନେଇ ରଣବୀରଙ୍କ ତରଫରୁ ସ୍ପଷ୍ଟ କରାଯାଇନାହିଁ। ସମ୍ପ୍ରତି ଦୀପିକା ଭିଶାଲ ଭରଦ୍ୱାଜଙ୍କ ଫିଲ୍ମ ଶୁଟିଂ ଆରମ୍ଭ କରିଥିବାବେଳେ ରଣବୀର ଜୋୟା ଅଖତାରଙ୍କ ଚଳଚ୍ଚିତ୍ର ‘ଗଲି ବଏ’ ଶୁଟିଂରେ ବ୍ୟସ୍ତ ଅଛନ୍ତି।
