ଧାମରା : ଭଦ୍ରକ ଜିଲା ଧାମରାରେ ଥିବା ହିନ୍ଦୁସ୍ତାନ ପେଟ୍ରୋଲ ପମ୍ପରେ ଠକେଇ ହେଉଥିବା ଅଭିଯୋଗ ହୋଇଛି। ପ୍ରାପ୍ତ ଖବରରୁ ପ୍ରକାଶ, ଧାମରାରେ ଥିବା ଏହି ଏଚ୍ ପି ପେଟ୍ରୋଲ ପମ୍ପରୁ ପେଟ୍ରୋଲ ନିଜ ବାଇକ କିମ୍ବା କାରରେ ନ ଭରିଲେ ମଧ୍ୟ ୧.୭୨ ଟଙ୍କା ଦେବାକୁ ପଡୁଛି। ଏଥିସହ ଏହି ଟାଙ୍କିରେ ପେଟ୍ରୋଲର ସୁଦ୍ଧତା ବିଷୟରେ ଅଭିଯୋଗ ଆଣିଲେ ପମ୍ପର ମାଲିକ ପେଟ୍ରୋଲରେ କିରୋସିନ ଗନ୍ଧ ରହିବ ବୋଲି କହୁଛନ୍ତି। ଶନିବାର ଏହି ସମସ୍ତ ଅଭିଯୋଗକୁ ନେଇ ବହୁ ଗ୍ରାହକ ଆସି ପମ୍ପ ସାମ୍ନାରେ ବିକ୍ଷୋଭ କରିଥିଲେ। ମାତ୍ର ସମସ୍ତ ଅଭିଯୋଗ ଶୁଣିବା ପରେ ପମ୍ପର ମାଲିକ ନିଜ ତ୍ରୁଟିକୁ ସୁଦ୍ଧାରିବା ପରିବର୍ତ୍ତେ ଗ୍ରାହକମାନଙ୍କୁ ଗାଳି ସହ ଧମକ ଦେବା ନଜରକୁ ଆସିଥିଲା। ଏହି ତ୍ରୁଟି କେତେ ଦିନ ହେବ ବୋଲି ପଚାରିବାରୁ ସେ କହିଥଇଲେ, ଏହି ତ୍ରୁଟି ୧୫ ଦିନ ହେବ ହୋଇଛି। ଏହାର ସୁଦ୍ଧାର ଆଣିବା ପାଇଁ ଆମେ ବାଲେଶ୍ୱର ତେଲ ଡିପୋରେ ଅଭିଯୋଗ କରିଥିଲୁ ମାତ୍ର ସେମାନେ ଆଜି ପର୍ଯ୍ୟନ୍ତ ମେକାନିକ ପଠାଇ ନାହାନ୍ତି ଫଳରେ ଆମେ ଏଥି ପାଇଁ ଗ୍ରାହକମାନଙ୍କୁ ଠକି ଚାଲିଛୁ ବୋଲି ନିଜର ପ୍ରତିକ୍ରିୟା ରଖିଥିଲେ। ଇତି ମଧ୍ୟରେ ସେ ହଜାର ହଜାର ଗ୍ରାହକଙ୍କୁ ତେଲ ନଦେଇ କେବଳ ନୋଜଲ ପୁରାଇ ଅଧିକ ୧.୭୨ ଟଙ୍କା କାହିଁକି ନେଉଛନ୍ତି ବୋଲି ବାଲେଶ୍ୱର ତେଲ ଡିପୋରେ ଥିବା ଗ୍ରାହକ ଅଧିକାରୀ(ଅଭିଯୋଗ) ମନୋଜ ମଣ୍ଡଳଙ୍କୁ ଯୋଗାଯୋଗ କରିବାରୁ ସେ କହିଲେ ଅଭିଯୋଗ ହୋଇଛି ଆମ୍ଭେ ହିନ୍ଦୁସ୍ଥାନ ପେଟ୍ରୋଲିୟମ କମ୍ପାନୀ ତରଫରୁ ପ୍ରେଟ୍ରୋଲ ବିକ୍ରି ବନ୍ଦ କରିବାକୁ କହିଛୁ ମାତ୍ର ସେ ସବୁ ଜାଣିଶୁଣି ଭୁଲ କରୁଛନ୍ତି ଏବଂ ପେଟ୍ରୋଲରେ ସୁଦ୍ଧତା ରଖିବା ଜରୁରୀ ଏବଂ ଗ୍ରାହକଙ୍କୁ ଯେକୌଣସି ମୂହୁର୍ତ୍ତରେ ପେଟ୍ରୋଲର ସୁଦ୍ଧତା ପାଇଁ ତାଙ୍କ ଆଗରେ ଏହାର ମାନ ପରୀକ୍ଷା କରିବା ଜରୁରୀ ମାତ୍ର ସଂପୃକ୍ତ ଏଚ ପି ମାଲିକ ଏହା କରୁ ନାହାନ୍ତି। ଆଗାମୀ ଦିନରେ ଏହାର ତଦନ୍ତ କରାଯାଇ ଦୃଷ୍ଟାନ୍ତ ମୂଳକ ପଦକ୍ଷପ ନିଆଯିବ ବୋଲି କହିଥିଲେ।
Comments are closed.