ଡେସ୍କ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ୟୁକ୍ରେନର ରାଷ୍ଟ୍ରପତି ଭ୍ଲାଦିମିର ଜେଲେନସ୍କିଙ୍କ ସହ ଟେଲିଫୋନ ଯୋଗେ ଆଲୋଚନା କରିଛନ୍ତି। ଉଭୟ ନେତା ବିଭିନ୍ନ କ୍ଷେତ୍ରରେ ଭାରତ-ୟୁକ୍ରେନ୍ ଭାଗିଦାରୀକୁ ଆହୁରି ସୁଦୃଢ଼ କରିବା ଉପରେ ଆଲୋଚନା କରିଥିଲେ। ବର୍ତ୍ତମାନ ଚାଲିଥିବା ରୁଷିଆ-ୟୁକ୍ରେନ୍ ସଂଘର୍ଷ ଉପରେ ଆଲୋଚନା କରିବା ସମୟରେ ପ୍ରଧାନମନ୍ତ୍ରୀ ଭାରତର ଜନ-କେନ୍ଦ୍ରୀତ ଆଭିମୁଖ୍ୟକୁ ଦୋହରାଇଥିଲେ ଏବଂ ଆଗକୁ ଯିବାର ବାଟ ଭାବରେ ଆଲୋଚନା ଓ କୂଟନୀତି ପାଇଁ ଆହ୍ୱାନ ଦେଇଥିଲେ।
ପତି-ପତ୍ନୀଙ୍କ ଅଦ୍ଭୁତ କଳା: ୯ ବର୍ଷର ବାଳକକୁ ରାମଲାଲା ରୂପେ ସଜାଇଲେ, ଛୁଟିଲା ପ୍ରଶଂସାର ସୁଅ
ଉଭୟ ପକ୍ଷ ମଧ୍ୟରେ ସମସ୍ତ ସମସ୍ୟାର ଶୀଘ୍ର ଏବଂ ଶାନ୍ତିପୂର୍ଣ୍ଣ ସମାଧାନ ପାଇଁ ଭାରତ ସମସ୍ତ ପ୍ରୟାସକୁ ସମର୍ଥନ କରୁଛି ବୋଲି ସେ ଆଲୋକପାତ କରିଥିଲେ। ଶାନ୍ତିପୂର୍ଣ୍ଣ ସମାଧାନକୁ ସମର୍ଥନ କରିବା ପାଇଁ ଭାରତ ତା’ର ସାମର୍ଥ୍ୟ ଭିତରେ ସବୁ କିଛି ଜାରି ରଖିବ ବୋଲି ସେ କହିଛନ୍ତି। ଅନ୍ୟପକ୍ଷରେ ରାଷ୍ଟ୍ରପତି ଜେଲେନସ୍କି ୟୁକ୍ରେନର ଜନସାଧାରଣଙ୍କ ପାଇଁ ଭାରତର ନିରନ୍ତର ମାନବିକ ସହାୟତାକୁ ପ୍ରଶଂସା କରିଛନ୍ତି।
ଇଡି ସମନ ବିରୋଧରେ ଅରବିନ୍ଦ କେଜ୍ରିୱାଲଙ୍କ ଆବେଦନ, ଆଭିମୁଖ୍ୟ ଲୋଡ଼ିଲେ ହାଇକୋର୍ଟ
Comments are closed.