ଜେନେଭା: ବିଶ୍ୱ ସ୍ୱାସ୍ଥ୍ୟ ସଂଗଠନ (ହୁ) ଶୁକ୍ରବାର ଦିନ କୋଭିଡର ନୂଆ ପ୍ରକରଣ ବି.୧.୧.୫୨୯ର ନାମ ‘ଓମିକ୍ରନ’ ରଖିଛି । ଏଥିସହିତ ଏହା ଅତି ଅଧିକ ସଂକ୍ରମିତ ବର୍ଗର ବୋଲି ହୁ ପକ୍ଷରୁ କୁହାଯାଇଛି । ଏହାର ଭୟାବହତାକୁ ଦୃଷ୍ଟିରେ ରଖି ୟୁରୋପୀୟ ରାଷ୍ଟ୍ର ସଂଘ ଏବଂ ଆମେରିକା ଦକ୍ଷିଣ ଆଫ୍ରିକାରୁ ଯାତ୍ରୀ ୍ରଆଗମନ ଉପରେ ନିଷେଧାଦେଶ ଜାରି କରିଛନ୍ତି । କାନାଡା, ସାଉଦି ଆରବ ଭଳି ରାଷ୍ଟ୍ର ମଧ୍ୟ ଅନୁରୂପ କଟକଣା ଲାଗୁ କରିଥିବା ଜଣାଯାଇଛି । ସୂଚନାଯୋଗ୍ୟ ଯେ କୋଭିଡର ଏହି ପ୍ରକରଣ ଏବେ ଦକ୍ଷିଣ ଆଫ୍ରିକା, ବୋତସ୍ୱାନାରେ ବ୍ୟାପିବାରେ ଲାଗିଛି । ଏହି ପ୍ରକରଣ ଅତ୍ୟନ୍ତ ଚିନ୍ତାଜନକ ବୋଲି ବିଶ୍ୱ ସ୍ୱାସ୍ଥ୍ୟ ସଂଗଠନ କହିଛି ।
ବିଶ୍ୱ ସ୍ୱାସ୍ଥ୍ୟ ସଂଗଠନ ପକ୍ଷରୁ ଏହା ମଧ୍ୟ କୁହାଯାଇଛି ଯେ, ଏହି ପ୍ରକରଣ ଦ୍ରୁତ ଗତିରେ ନିଜର ରୂପ ବଦଳାଉଛି । ସେଥିମଧ୍ୟରୁ କେତେକ ମଣିଷ ପାଇଁ ମାରାତ୍ମକ ବିବେଚିତ ହେଉଛି । ଏହି ପ୍ରକରଣ ପୂର୍ବ ପ୍ରକରଣଗୁଡିକ ଅପେକ୍ଷା ଦ୍ରୁତ ଗତିରେ ସଂକ୍ରମଣ ବୃଦ୍ଧି କରୁଛି । ଦକ୍ଷିଣ ଆଫ୍ରିକାର ପ୍ରାୟ ସମସ୍ତ ପ୍ରଦେଶରେ ସଂପ୍ରତି ଏହା ବ୍ୟାପିବାରେ ଲାଗିଛି ।
Comments are closed.