ଡେସ୍କ: ଏପ୍ରିଲ ୧୯ରେ ପ୍ରଥମ ପର୍ଯ୍ୟାୟ ମତଦାନ ପାଇଁ ପଶ୍ଚିମବଙ୍ଗରେ ୩ଟି ଲୋକସଭା ଆସନ ପାଇଁ ନିର୍ବାଚନ ପାଇଁ କେନ୍ଦ୍ରୀୟ ବାହିନୀର ପ୍ରାୟ ୨୫ ହଜାର ଯବାନ ମୁତୟନ ହେବେ। ପ୍ରଥମ ପର୍ଯ୍ୟାୟରେ ରାଜ୍ୟର ଉତ୍ତର ଭାଗର କୁଚବିହାର, ଅଲିପୁରଦ୍ୱାର ଏବଂ ଜଳପାଇଗୁଡ଼ି ଲୋକସଭା ଆସନରେ ମତଦାନ ହେବ।
ଏପ୍ରିଲ ୧୯ରେ ପ୍ରଥମ ପର୍ଯ୍ୟାୟ ନିର୍ବାଚନ ପାଇଁ ପ୍ରାୟ ୨୫୦ କମ୍ପାନୀ କେନ୍ଦ୍ରୀୟ ଫୋର୍ସ ମୁତୟନ ହେବେ। ୩ଟି ଜିଲ୍ଲାରେ ଗୋଟିଏ ଲେଖାଏଁ କଣ୍ଟ୍ରୋଲ ରୁମ୍ ଖୋଲାଯିବ ଏବଂ ଏହାର ଦାୟିତ୍ୱରେ ବରିଷ୍ଠ ଅଧିକାରୀ ରହିବେ। ସେଣ୍ଟ୍ରାଲ ଆର୍ମଡ୍ ପୁଲିସ ଫୋର୍ସ (ସିଏପିଏଫ୍)ର ଏକ କମ୍ପାନିରେ ପ୍ରାୟ ୧୦୦ ଜଣ ଯବାନ ଅଛନ୍ତି, ଅର୍ଥାତ୍ ଏହି ତିନୋଟି ଆସନରେ ନିର୍ବାଚନ ପାଇଁ ପ୍ରାୟ ୨୫ ହଜାର ଯବାନ ନିୟୋଜିତ ହେବେ।
ଗୁଜୁରାଟ ବିଶ୍ୱବିଦ୍ୟାଳୟ ହଷ୍ଟେଲରେ ନମାଜ ପଢ଼ିବାରୁ ଆକ୍ରମଣ, ୨ ହସ୍ପିଟାଲରେ ଭର୍ତ୍ତି
ମୁଖ୍ୟ ନିର୍ବାଚନ ଅଧିକାରୀ ଆରିଜ୍ ଆଫତାବ କହିଛନ୍ତି ଯେ ରାଜ୍ୟରେ ଏକ ଅବାଧ, ନିରପେକ୍ଷ ଓ ଶାନ୍ତିପୂର୍ଣ୍ଣ ନିର୍ବାଚନ ସୁନିଶ୍ଚିତ କରିବା ପାଇଁ ସମସ୍ତ ପଦକ୍ଷେପ ନିଆଯାଉଛି। କୌଣସି ବିଶୃଙ୍ଖଳାକୁ ବରଦାସ୍ତ କରାଯିବ ନାହିଁ ବୋଲି ସେ କହିଛନ୍ତି। ପ୍ରଚାର ସମୟରେ ସେମାନେ ଦେଇଥିବା ବୟାନ ଉପରେ ନିୟନ୍ତ୍ରଣ ରଖିବାକୁ ସେ ନେତାମାନଙ୍କୁ ଅନୁରୋଧ କରିଛନ୍ତି। ଏହାକୁ ପାଳନ କରା ନଗଲେ ନିର୍ବାଚନ କମିଶନ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରିବେ। ୧୮ ବର୍ଷରୁ କମ୍ ବୟସର କୌଣସି ବ୍ୟକ୍ତିଙ୍କୁ ରାଜନୈତିକ ଦଳମାନେ ପ୍ରଚାର ସମୟରେ ବ୍ୟବହାର କରିବା ଉଚିତ ନୁହେଁ। ବର୍ତ୍ତମାନ ସୁଦ୍ଧା ସାରା ରାଜ୍ୟରୁ ନଗଦ ୬୮ କୋଟିରୁ ଅଧିକ ଟଙ୍କା ଜବତ କରାଯାଇଛି।
