ବୁଧବାର ରାଶିଫଳ ୨୯.୦୩.୨୦୨୩

ମେଷ: ସଶକ୍ତ ଆତ୍ମ ବଳରେ ବଳୀୟାନ ହୋଇପାରନ୍ତି। ଚିତ୍ତ ପ୍ରସନ୍ନ ରହିବ। ଈଶ୍ବର ଭକ୍ତିରେ ଶକ୍ତିସମ୍ପନ୍ନ ହେବେ। ଭାଷାର ମାଧୁରିମା ଶତ୍ରୁପକ୍ଷଙ୍କୁ ମଥାନଥ କରାଇପାରେ। ଅନୁଜଙ୍କଠାରୁ ଆଦର ସମ୍ମାନ ମିଳିବ।
ବୃଷ: ଆଧ୍ୟାତ୍ମିକ ପଥର ପଥିକ ହେବେ। ନିଜ ବୁଦ୍ଧି ବଳ ଓ ବାହୁ ବଳ ପ୍ରୟୋଗ କରି ଧନ ଅର୍ଜନ କରିପାରନ୍ତି। ପତ୍ନୀଙ୍କ ମନସ୍କାମନା ପୂରଣ କରିବାକୁ ଆଗ୍ରହୀ ହେବେ। ବନ୍ଧୁଙ୍କ ସହାୟତା ମିଳିବ।
ମିଥୁନ: ଶ୍ରୀ ଚନ୍ଦ୍ର ଭୋଗ ହେଉଥିବାରୁ ଶ୍ରଦ୍ଧାଭାବଯୁକ୍ତ, ପ୍ରାପ୍ତ ଉପହାର, ମୂଲ୍ୟ ଅକଳନ୍ତା ହୋଇପାରେ। ସୁମିଷ୍ଟ ଦ୍ରବ୍ୟରେ ଅତିଥି ସତ୍କାର କରି ଆତ୍ମସନ୍ତୋଷ ଲାଭ କରିବେ। ସର୍ବ, ସପତ୍ନୀକ ଉଦ୍ୟାନ ଭ୍ରମରେ ପ୍ରଫୁଲ୍ଲିତ ହେବେ।
କର୍କଟ: ବିଶ୍ବ ମାନଦଣ୍ଡର ଆମନ୍ତ୍ରଣ ପାଇଁ ଏକାନ୍ତରେ ଜଗତ କଲ୍ୟାଣ ନିମନ୍ତେ ତପ ସାଧନାରେ ବ୍ରତୀ ହୋଇପାରନ୍ତି। ଚକ୍ଷୁରେ ସାମାନ୍ୟ ଯନ୍ତ୍ରଣା ଉପୁଜିପାରେ। ପତ୍ନୀଙ୍କ ସ୍ବାସ୍ଥ୍ୟ ରକ୍ଷା ପାଇଁ ଧନ ବ୍ୟୟ କରିବେ।
ସିଂହ: ଜନ କଲ୍ୟାଣରେ ନିଜକୁ ନିୟୋଜିତ କରୁଥିବାରୁ ସରକାରୀ ଓ ଦାନ ସୂତ୍ରରୁ ଆର୍ଥିକ ଅନୁଦାନ ପାଇପାରନ୍ତି। ପୁଣ୍ୟପ୍ରଭା ପତ୍ନୀଙ୍କ ସଦାସର୍ବଦା ସହଯୋଗ, ପରମ୍ପରା ସୃଷ୍ଟିର କାରଣ ହେବ। କରିତ୍‌କର୍ମା ହେବେ।
କନ୍ୟା: ବ୍ରହ୍ମବାଦୀ ହୋଇପାରନ୍ତି। ଜ୍ଞାନାଲୋକରେ ଜଗତ ଓ ଭଗତଙ୍କ ଅଗ୍ରଗାମୀ ଚଲାପଥକୁ ଆଲୋକିତ କରିପାରନ୍ତି। ସ୍ଥିର ମନ ଓ ଧୀର ଚିତ୍ତସମ୍ପନ୍ନ ବ୍ୟକ୍ତିଭାବେ ଲୋକପୂଜ୍ୟ ହୋଇପାରନ୍ତି। ପାରିବାରିକ ସ୍ନେହ ମିଳିବ।
ତୁଳା: ଆପଣ ଦୂରଦୃଷ୍ଟିସମ୍ପନ୍ନ ହୋଇଥିବାରୁ ନିଜର ଭାଗ୍ୟ ନିୟନ୍ତା ନିଜେ ହେବେ। ଜୀବନକୁ ସୁଖ-ସମୃଦ୍ଧିପୂର୍ଣ୍ଣ କରିବାକୁ ପତ୍ନୀଙ୍କ ପରାମର୍ଶରେ ପରିଚାଳିତ ହୋଇପାରନ୍ତି। ବିଦ୍ବାନ୍‌ ଓ ସାହସୀ ହେବେ।
ବିଛା: ଜଣେ ସ୍ବାଭିମାନୀ ବ୍ୟକ୍ତିଭାବେ ପ୍ରବଳ ଅନଟନର ସମ୍ମୁଖୀନ ହୋଇବି କାହାରି ଦୟାର ପାତ୍ର ହେବାକୁ ଇଚ୍ଛା କରନ୍ତି ନାହିଁ। ସାମାନ୍ୟ ଅସୁସ୍ଥତା ଅନୁଭବ କରିପାରନ୍ତି। ଜନସେବା ଫଳଦାୟକ ହେବ।
ଧନୁ: ସମାଜସେବାରେ ନିଜକୁ ନିୟୋଜିତ କରି ଧନ୍ୟ ମନେ କରିପାରନ୍ତି। ପ୍ରକାଶିତ ଚିତ୍ତର ଅନୁଭୂତିକୁ ପାଥେୟ କରି କର୍ମତତ୍ପର ହେବେ। ସପତ୍ନୀକ ସେବା ଭାବନାରେ ଉଦ୍‌ବୃଦ୍ଧ ହେବେ।
ମକର: ଭ୍ରାତୃବର୍ଗଙ୍କ ସହଯୋଗ କାମନା କରି ରଣ କ୍ଷେତ୍ରରେ ଅବତୀର୍ଣ୍ଣ ହୋଇପାରନ୍ତି। ଦୃଢ଼ ମନୋବଳ ନେଇ ଶତ୍ରୁ ଉପରେ ବିଜୟ ହାସଲ କରିପାରନ୍ତି। ଚାକିରି କ୍ଷେତ୍ରରେ ଉଚ୍ଚ କର୍ତ୍ତୃପକ୍ଷଙ୍କ ପ୍ରଶଂସାର ପାତ୍ର ହେବେ।
କୁମ୍ଭ: ବ୍ୟକ୍ତିର ସୁରକ୍ଷା କବଚ ଆଧ୍ୟାତ୍ମ ମାର୍ଗକୁ ବାଛିନେଇ କର୍ମତତ୍ପର ହେବେ। ସତ୍ୟବାଦିତା ଆପଣଙ୍କୁ ଜୀବନର ଶୀର୍ଷତମ ସୋପାନରେ ପହଞ୍ଚାଇ ଦେବ। ବିଭିନ୍ନ ସୂତ୍ରରୁ ଓ ସ୍ବକୀୟ ଶ୍ରମର ମୂଲ୍ୟ ପାଇ ସନ୍ତୁଷ୍ଟ ହେବେ।
ମୀନ: ବଧୁଧୈବ କୁଟୁମ୍ବକମ୍‌ ନୀତିରେ ସାହିପଡ଼ିଶାଙ୍କ ସହ ଅନୁବନ୍ଧିତ ହେବେ। ଜଣେ ଉଦାରଚେତା ବ୍ୟକ୍ତିଭାବେ ଉଚ୍ଚ ସମ୍ମାନର ଅଧିକାରୀ ହେବେ। କୃଷକ ସହାୟକ ଯୋଜନାର ସଫଳ ରୂପାୟନ କରିବେ।