ନୂଆଦିଲ୍ଲୀ : ଭିଭୋର ପ୍ରଥମ ଏଆଇ ଫିଚର୍ସ ବିଶିଷ୍ଟ ଫୋଲ୍ଡିଂ ସ୍ମାର୍ଟଫୋନ୍ ଭିଭୋ ଏକ୍ସ ଫୋଲ୍ଡ୩ ପ୍ରୋର ଆଜି ବଜାର ପ୍ରବେଶ ହୋଇଛି । କମ୍ପାନୀ ସୂଚନା ଅନୁସାରେ ଏହା ଭାରତର ସବୁଠୁ ପତଳା ଓ ହାଲୁକା ବନ୍ଦ ହୋଇପାରୁଥିବା ସ୍ମାର୍ଟଫୋନ୍ । କ୍ୟାମେରା କଥା କହିବା ତ ଏଥିରେ ଜାଏସ୍ ଟେଲିଫୋଟୋ କ୍ୟାମେରା ରହିଛି । ଆସନ୍ତୁ ଜାଣିବା ଏହାର ଫିଚର୍ସ ସମ୍ପର୍କରେ…
ଏହାର ମେନ୍ ସ୍କ୍ରିନର ସାଇଜ୍ ୮.୦୩ ଇଞ୍ଚ ଏବଂ ଫୋଲ୍ଡ ହେବା ପରେ ୬.୫୩ ଇଞ୍ଚର ହୋଇଯାଏ । ଏଥିରେ ୧୨୦ ହର୍ଜ ରିଫ୍ରେଶ୍ ରେଟ୍ ଏବଂ ୪୫୦୦ ପିକ୍ ବ୍ରାଇଟନେସ ମିଳିବ । ଫୋନରେ ସ୍ନାପଡ୍ରାଗନ ୮ ଜେନ୍ ୩ ପ୍ରୋସେସର ଦିଆଯାଇଛି । ଏହା ସହିତ ହ୍ୟାଣ୍ଡସେଟରେ ୫୦ ଏମପିର ଅପ୍ଟିକଲ ଇମେଜ୍ ସେନ୍ସର, ୫୦ ଏମପିର ଅଲ୍ଟ୍ରା ଓ୍ବାଇଡ୍ ଲେନ୍ସ ଏବଂ ୬୪ ଏମପିର ଟେଲିଫୋଟୋ ସେନ୍ସର ଦିଆଯାଇଛି ।
ଫୋନରେ ଭି୩ ଇମେଜିଂ ଚିପ୍ ମଧ୍ୟ ଲାଗିଛି । କମ୍ପାନୀ ଅନୁସାରେ ଏହା ଭାରତର ସବୁଠାରୁ ହାଲୁକା ଓ ପତଲା ଫୋଲ୍ଡିଂ ଫୋନ । ଏଥିରେ ଅନେକ କୃତ୍ରିମ ବୁଦ୍ଧିମତା ବିଶିଷ୍ଟ ଫିଚର୍ସ ମିଳିବ । କମ୍ପାନୀ ଗୁଗଲ ସହିତ ମିଶି ଏହି ଫୋନରେ ଜେମିନି ଏଆଇ ସପୋର୍ଟ ଯୋଡିଛି । ଏହାର ୧୬ ଜିବି ଏବଂ ୫୧୨ ଜିବି ଷ୍ଟୋରେଜ୍ ଭେରିଏଣ୍ଟର ଦାମ୍ ୧,୫୯,୦୦୦ ଟଙ୍କା ରଖିଛି କମ୍ପାନୀ । ୧୩ ଜୁନରୁ ଏହାର ବିକ୍ରି ଆରମ୍ଭ ହେବ ।
Comments are closed.