ଆଠଗଡ : ପବିତ୍ର କାର୍ତ୍ତିକମାସ ପଞ୍ଚକ ଓ ବଡଓଷା ଅବସରରେ ରବିବାର କଟକର ଅନ୍ୟତମ ଅଗ୍ରଣୀ ସ୍ୱେଚ୍ଛାସେବୀ ଅନୁଷ୍ଠାନ ଅରେଞ୍ଜ ଗୃପର ସଦସ୍ୟମାନେ ନରାଜସ୍ଥିତ ରୋଟାରୀ ଶ୍ରଦ୍ଧା ବୃଦ୍ଧାଶ୍ରମ ପରିଦର୍ଶନ କରିବା ସହ ସେଠାରେ ରହୁଥିବା ଅନ୍ତେବାସୀଙ୍କ ସହିତ କିଛି ମୁହୂର୍ତ୍ତ ବିତାଇ ସୁଖଦୁଃଖ ବୁଝିବା ସହ କିଛି ସାମଗ୍ରୀ ସେମାନଙ୍କ ମଧ୍ୟରେ ବଣ୍ଟନ କରିଥିଲେ। ରୋଟାରିଆନ ବିନ୍ଦୁ ଦାସଙ୍କ ପ୍ରତ୍ୟକ୍ଷ ପରିଚାଳନାରେ ଚାଲିଥିବା ସ୍ୱେଚ୍ଛାସେବୀ ସଂସ୍ଥା ଅରେଞ୍ଜ ଗୃପର ସଦସ୍ୟ ସେଠାକୁ ପରିଦର୍ଶନରେ ଯାଇ ଅନ୍ତେବାସୀଙ୍କ ସହ ଆଲୋଚନା କରିବା ସଙ୍ଗେ ସଙ୍ଗେ ସେମାନଙ୍କୁ ନିତ୍ୟ ବ୍ୟବହାର୍ଯ୍ୟ ବହୁ ସାମଗ୍ରୀ ଓ ଖାଦ୍ୟ ପୁଡିଆ ପ୍ରଦାନ କରିଥିଲେ । ଅରେଞ୍ଜ ଗୃପର ବରିଷ୍ଠ ସଦସ୍ୟା ସଂଗୀତା ଦାସଙ୍କ ନେତୃତ୍ୱରେ ପ୍ରଫେସର ଡଃ ରାଜଶ୍ରୀ ବିଶ୍ୱାଳ, ଡଃ ତପନ ସାମଲ, ମନୋରଞ୍ଜନ ମହାନ୍ତି, ସ୍ମିତା ଖୁଣ୍ଟିଆ, ମୀନତି ରାଉତ, ଦେବସ୍ମିତା ସାହୁ, ସଂଜିତା ମହାନ୍ତି, ସଂଜୀବ କୁମାର ଦାଶ, ଦିଲ୍ଲୀପ କୁମାର ସାମଲ, ପ୍ରଫୁଲ୍ଲ କୁମାର ଷଡଙ୍ଗୀ, ଯଯାତି କେଶରୀ ଭଦ୍ର, ଇନ୍ଦ୍ରମଣି ଓଝା ଓ ବିଶ୍ୱଜିତ୍ ପାଣି ପ୍ରମୁଖ ଶ୍ରଦ୍ଧା ବୃଦ୍ଧାଶ୍ରମକୁ ଯାଇ ଅନ୍ତେବାସୀଙ୍କ ସହିତ କିଛି ମୁହୂର୍ତ୍ତ ବିତାଇ ସେମାନଙ୍କ ଆଶୀର୍ବାଦ କାମନା କରିଥିଲେ ।
Comments are closed.