ନୂଆଦିଲ୍ଲୀ: ପୁଣି ବାପା ହୋଇଛନ୍ତି ଭାରତୀୟ କ୍ରିକେଟର ବିରାଟ କୋହଲି। ବିରାଟଙ୍କ ପତ୍ନୀ ତଥା ବଲିଉଡ ଅଭିନେତ୍ରୀ ଅନୁଷ୍କା ଶର୍ମା ଏକ ପୁତ୍ର ସନ୍ତାନଙ୍କୁ ଜନ୍ମ ଦେଇଛନ୍ତି। ଏନେଇ ବିରାଟ ନିଜ ଇନଷ୍ଟାଗ୍ରାମ ଆକାଉଣ୍ଟରେ ନିଜେ ପୋଷ୍ଟ କରି ଫ୍ୟାନ୍ସମାନଙ୍କୁ ସୂଚନା ଦେଇଛନ୍ତି। ବିରାଟ ଲେଖିଛନ୍ତି ଫେବୃଆରୀ ୧୫ରେ ଆମେ ଆମ ପୁତ୍ର ସନ୍ତାନ ଅକାୟକୁ ଏ ପୃଥିବୀକୁ ସ୍ୱାଗତ କରିଛୁ। ଆମେ ଆପଣଙ୍କର ଆଶୀର୍ବାଦ ଓ ଶୁଭକାମନା ଆଶା କରୁଛୁ।
ଏହା ପୂର୍ବରୁ ଅନୁଷ୍କା ଶର୍ମା ଦ୍ୱିତୀୟ ଥର ଗର୍ଭବତୀ ଥିବା ବେଶ ଚର୍ଚ୍ଚା ହେଉଥିଲା। ଏପରିକି ଭାରତ-ଇଂଲଣ୍ଡ ଟେଷ୍ଟ ସିରିଜରୁ ବିଶ୍ରାମ ନେଇ ଅନୁଷ୍କାଙ୍କ ସହ ରହିଥିଲେ ବିରାଟ କୋହଲି। ପୂର୍ବରୁ ବିରାଟ ବାପା ହେବା ନେଇ ସୂଚନା ଦେଇଥିଲେ ଦକ୍ଷିଣ ଆଫ୍ରିକାର ପୂର୍ବତନ କ୍ରିକେଟର ଏବି ଡି ଭିଲିୟର୍ସ । ସେ କହିଥିଲେ ବ୍ୟକ୍ତିଗତ କାରଣ ଦର୍ଶାଇ କୋହଲି ଇଂଲଣ୍ଡ ବିପକ୍ଷ ପ୍ରଥମ ଦୁଇଟି ଟେଷ୍ଟରୁ ଦୂରେଇ ରହିଥିଲେ ।
Comments are closed.