ନୂଆଦିଲ୍ଲୀ – ବେଲୁଚିସ୍ତାନରେ ଦମନ ଲୀଳା ଲଗାଇଛି ପାକିସ୍ତାନ । ସେଠାକାରେ ନିରୀହ ଲୋକଙ୍କୁ ମାରିବା ସହ ମହିଳାମାନଙ୍କୁ ପାକିସ୍ତାନ ସେନା ପକ୍ଷରୁ ନାନା ପ୍ରକାରର ଅକଥନୀୟ ନିର୍ଯ୍ୟାତନା ଦିଆଯାଉଛି । ଏହା ବିରୋଧରେ ସେଠାକାର ବାସିନ୍ଦା ହିଂସାତ୍ମକ ବିରୋଧ ପ୍ରଦର୍ଶନ ଆରମ୍ଭ କରିଛନ୍ତି । ଏବେ ପାକିସ୍ତାନରୁ ଅଲଗା ହେବା ପାଇଁ ବେଲୁଚିସ୍ତାନବାସୀ ଜୋରଦାର ଉଦ୍ୟମ ଆରମ୍ଭ କରିଛନ୍ତି ।
ପାକିସ୍ତାନ ସେନାର ଅଧିକାରୀ ଏବଂ ଯବାନ ଯାଉଥିବା ଜାଫର ଏକ୍ସପ୍ରେସ ଟ୍ରେନକୁ ବେଲୁଚିସ୍ତାନ ଲିବରେସନ୍ ଆର୍ମି ନାମକ ଆତଙ୍କବାଦୀ ସଂଗଠନ ପକ୍ଷରୁ ଅପରହରଣ କରାଯାଇଥିଲା । ଏଥିରେ ଥିବା ଅନେକ ସେନା ଅଧିକାରୀଙ୍କୁ ହତ୍ୟା କରାଯାଇଥିଲା । ପରେ ପାକିସ୍ତାନସେନା ଟ୍ରେନକୁ ମୁକୁଳାଇବାରେ ସଫଳ ହୋଇଥିବା ଦାବୀ କରୁଛି ।
ଏବେ ପାକିସ୍ତାନ ଭାରତକୁ ଦୋଷ ଦେବାରେ ଲାଗିଛି । କାଶ୍ମୀରରେ ଆତଙ୍କବାଦକୁ ଖୋଲାଖୋଲି ପ୍ରୋତ୍ସାହନ ଦେଉଥିବା ପାକିସ୍ତାନ , ଭାରତ ବେଲୁଚିସ୍ତାନ ଆତଙ୍କବାଦୀଙ୍କୁ ଅର୍ଥ ଯୋଗାଉଥିବା କଥା କହିଛି । ଜାଫର ଏକ୍ସପ୍ରେସ ଅପହରଣ ପଛରେ ଭାରତର ହାତ ଥିବା କଥା ପାକିସ୍ତାନ କହିଛି । ପାକିସ୍ତାନର ଜେନେରାଲ ସରିଫ ଚୌଧୁରି ଏକ ସାକ୍ଷାତକାରରେ ଭାରତ ଉପରେ ଦୋଷ ଲଦିଛନ୍ତି । ପାକିସ୍ତାନକୁ ବଦନାମ କରିବା ପାଇଁ ଭାରତ ଚେଷ୍ଟା କରୁଥିବା କଥା ସେ କହିଛନ୍ତି ।
ଭାରତ ଏହାର କଡା ଜବାବ ଦେଇଛି । ଭାରତର ବୈଦେଶିକ ମନ୍ତ୍ରାଳୟ ପକ୍ଷରୁ ପାକିସ୍ତାନର ଏହି ଦାବିକୁ ଭିତ୍ତିହୀନ ବୋଲି କୁହାଯାଇଛି । ପାକିସ୍ତାନ ଆଗ ନିଜକୁ ଦେଖୁ , ଅନ୍ୟ ଦେଶରେ ଅସ୍ଥିରତା ସୃଷ୍ଟି କରିବା ପାଇଁ ପାକିସ୍ତାନ ନିଜେ ତାହାର କବଳିତ ହୋଇଥିବା କଥା ଭାରତ ବୈଦେଶିକ ମନ୍ତ୍ରାଳୟର ମୁଖପାତ୍ର ରନ୍ଧୀର ଜୈଶ୍ୱାଲ କହିଛନ୍ତି । ସାରା ବିଶ୍ୱ ପାକିସ୍ତାନ ବିଷୟରେ ଜାଣିଛନ୍ତି । ହିଂସାକୁ ପ୍ରଶୟ ଦେଇ ପାକିସ୍ତାନ ଏବେ ନିଜେ ଜଳୁଛି ।
Comments are closed.