ନୂଆଦିଲ୍ଲୀ : ଉତ୍ତରାଖଣ୍ଡର ନୈନିତାଲରେ ଏକ ଘରର ଛାତ ଉପରେ ପହଞ୍ଚିଥିବା କଲରାପତରିଆ ବାଘ ଓ ୩ଟି ସାହସୀ ପୋଷା କୁକୁରର ଭିଡିଓ ସିସିଟିଭିରେ କଏଦ ହୋଇଛି । ୩ କୁକୁର କିଭଳି ବାଘକୁ ସେଠାରୁ ତଡି ଦେଉଛନ୍ତି, ତାହା କ୍ୟାମେରାରେ କଏଦ ହୋଇଛି । ଏହି ଫୁଟେଜ୍ ଘରର ମାଲିକଙ୍କ ସହ ଅଞ୍ଚଳର ବାସିନ୍ଦାଙ୍କୁ କାବା କରି ଦେଇଛି। ସେମାନଙ୍କର ବିଶ୍ୱସ୍ତ କୁକୁରଙ୍କ ଅସାଧାରଣ ସାହସ ଦେଖି ଆଶ୍ଚର୍ଯ୍ୟ ହୋଇଛନ୍ତି । ଘଟଣାର ଭିଡିଓ ୩୧ ଜୁଲାଇରେ ଏକ୍ସରେ ଶେୟାର କରାଯାଇଛି ।
ଭିଡିଓର ଆରମ୍ଭ ଘରର କବାଟ କଡରେ ଆରାମ କରୁଥିବା ଗୋଟିଏ କୁକୁରରୁ ହୋଇଛି । ଏଭଳି ମନେ ହେଉଛି, ଯେପରି ବାଘକୁ ଦେଖି କୁକୁର ହଠାତ୍ ଚମକି ପଡୁଛି । ଏହାପରେ କୁକୁର ବାଘ ଉପରକୁ ଆକ୍ରମଣ କରିବାକୁ ଆଗକୁ ବଢିବାକୁ ଚେଷ୍ଟା କରୁଛି । କିଛି କ୍ଷଣ ମଧ୍ୟରେ ବାଘ କୁୁକୁର ଉପରକୁ ଆକ୍ରମଣ କରିବାକୁ ଆଗକୁ ବଢୁଥିବା ଦେଖାଯାଉଛି।
कुत्तों के सामने जंगल का राजा जान बचाकर भागा।
देखिए…#Video #Viralvideo #Nainital #Uttrakhand pic.twitter.com/AONrSZkmLP— निशान्त शर्मा (भारद्वाज) (@Nishantjournali) July 31, 2024
ମାତ୍ର ଆଉ ୨ କୁକୁର ବାଘ ସାମ୍ନାକୁ ଆସିବା ପରେ ବାଘ ଭୟଭୀତ ହୋଇଛି। ସେ ସେଠାରୁ ଖସି ପଳାଇବାକୁ ଚେଷ୍ଟା କଲା। ମାତ୍ର ବାଘ ପୁଣି ଥରେ ଫେରି ଆସୁଛି । ଏହାପରେ କୁକୁରକୁ ଏକାଠି ହୋଇଥିବା ଦେଖି ଗେଟ୍ ବାହାରକୁ ପଳାଉଛି । ଏହି ସମୟରେ ଘର ଭିତରୁ ଜଣେ ବାହାରକୁ ଆସୁଛନ୍ତି, ବାଘ ପଳାଇଛି କି ନାହିଁ ଦେଖିବା ପାଇଁ । ଶେୟାର କରାଯିବା ପରେ ଭିଡିଓକୁ ଅନେକ ଲୋକେ ଦେଖି ପସନ୍ଦ କରିଛନ୍ତି।
୧୮ ବର୍ଷ ପରେ ସୂର୍ଯ୍ୟ-କେତୁ ହେବେ ଏକାଠି : ଏହି ରାଶିଙ୍କ ଚମକିବ ଭାଗ୍ୟ, ହଠାତ୍ ମିଳିବ ଧନ, ଚାକିରି..
ଏଭଳି ଆଉ ଏକ ଘଟଣା ଚଳିତ ବର୍ଷ ଜୁନ୍ ମାସରେ ମହାରାଷ୍ଟ୍ରରେ ଅହମଦନଗରରେ ହୋଇଥିଲା । ଏଠାରେ ଏକ କଲରାପତରିଆ ବାଘ ଘର ସାମ୍ନାକୁ ପଶି ଆସିଥିଲା । ଯାହାକୁ ଏକ କୁକୁର ଡରାଇ ଦେଇଥିଲା । ଏହି ଘଟଣାର ସିସିଟିଭି ଫୁଟେଜ ସାମ୍ନାକୁ ଆସିଥିଲା । ଯାହା ଖୁବ୍ ଭାଇରାଲ ହୋଇଥିଲା।
ଅନ୍ୟ ଏକ ଘଟଣା ଜାନୁଆରୀରେ କର୍ଣ୍ଣାଟକର ରାମନଗରରେ ଏକ କଲାରାପତରିଆ ବାଘ ପୋଷାକ କୁକୁର ଉପରେ ଆକ୍ରମଣ କରିଥିଲା । ଯାହା କ୍ୟାମେରାରରେ କଏଦ ହୋଇଥିଲା । ମାତ୍ର କୁୁକୁରର ଆକ୍ରମଣ ପରେ ବାଘ ସେଠାରୁ ଖସି ପଳାଇ ଥିଲା।
