ଅଜଣା ଗାଡି ଧକ୍କାରେ ୫ ମୃତ
![](https://samajalive.in/wp-content/uploads/2023/02/dead-murder-750x430.jpg)
ଲଖନଉ : ଉତ୍ତରପ୍ରଦେଶର ଶାହାଜାହାନପୁରରେ ମର୍ମନ୍ତୁଦ ସଡକ ଦୁର୍ଘଟଣା ଘଟିଥିବା ନେଇ ଶୁକ୍ରବାର ଖବର ମିଳିଛି। ଦୁର୍ଘଟଣାରେ ୫ ଜଣଙ୍କ ମୃତ୍ୟୁ ଘଟିଛି। ସେହରାମଉ ଦକ୍ଷିଣ ଥାନା ଅନ୍ତର୍ଗତ ଦିଲାବରପୁର ଗାଁ ନିକଟରେ ହରଦୋଇ- ଶାହାଜାହାନପୁରରେ ହାଇୱେରେ ଶୁକ୍ରବାର ସକାଳେ ୫ଟାରେ ଏକ ଅଜଣା ଗାଡି ଏକ ବାଇକ୍କୁ ଧକ୍କା ଦେବାରୁ ଏହି ଦୁର୍ଘଟଣା ଘଟିଛି। ଏହି ଦୁର୍ଘଟଣାରେ ବାଇକରେ ଯାଉଥିବା ଦମ୍ପତିଙ୍କ ସହ ୫ ଜଣଙ୍କ ମୃତ୍ୟୁ ଘଟିଛି। ଏହାସହ ଏକ ଶିଶୁ ଆହତ ହୋଇଛନ୍ତି। ସମସ୍ତେ ଏକ ବାଇକ୍ରେ ଯାଉଥିଲେ ବୋଲି ପ୍ରାଥମିକ ତଦନ୍ତରୁ ଜଣାପଡିଛି। ସଭିଏଁ ହରଦୋଇର ଶାହାବାଦରୁ ଘରକୁ ଫେରୁଥିଲେ। ଖବର ପାଇ ପୁଲିସ ଘଟଣା ସ୍ଥଳରେ ପହଞ୍ଚି ମୃତଦେହ ଜବତ କରିବା ସହ ଘଟଣାର ତଦନ୍ତ ଆରମ୍ଭ କରିଛି।
Comments are closed.