ଲଖନଉ : ଉତ୍ତରପ୍ରଦେଶ ବୁଲନ୍ଦସହର ଜିଲାରେ ଏକ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି। ଏଠାରେ ବରଯାତ୍ରୀ ଯାଉଥିବା ଏକ କାର୍ ଦୁର୍ଘଟଣାଗ୍ରସ୍ତ ହୋଇଛି। କାରରେ ଥିବା ୬ଜଣ ଯାତ୍ରୀ କେନାଲରେ ବୁଡି ଯାଇଥିବା ବେଳେ ସେମାନଙ୍କ ମଧ୍ୟରୁ ୩ ଜଣଙ୍କ ମୃତ୍ୟୁ ଘଟିଛି। ବିବାହ ସମାରୋହରେ ଏହି ଖବର ଜଣା ପଡିବା ପରେ ଖୁସି ଦୁଃଖରେ ପରିଣତ ହୋଇଛି। ମୃତକ ମାନେ ସମ୍ପର୍କରେ ଭାଇଭଉଣୀ ବୋଲି ପ୍ରାଥମିକ ତଦନ୍ତରୁ ଜଣାପଡିଛି।
ସୂଚନା ଯୋଗ୍ୟ, କକୋଡର ଗାଁ ଶେରପୁରରୁ ଅଲୀଗଡକୁ ବରଯାତ୍ରୀ ମାନେ ଏକ କାର୍ ଯୋଗେ ଯାଉଥିଲେ। ରବିବାର ବିଳମ୍ବିତ ରାତିରେ କାର୍ରେ ଉକ୍ତ ଯାତ୍ରୀ ମାନେ ଯାଉଥିବା ସମୟରେ ଗାଁରେ ଥିବା ପୋଲରେ ଗାଡିଟି ଅନିୟନ୍ତ୍ରିତ ହୋଇ ପାଣି ଭିତରକୁ ଖସି ପଡିଥିଲା। କାର୍ରେ ଥିବା ୬ ଜଣ ପାଣିରେ ବୁଡି ଯାଇଥିଲେ। ସ୍ଥାନୀୟ ଲୋକ ଓ ଉଦ୍ଧାରକାରୀଙ୍କ ସହାୟତାରେ ତିନି ଜଣଙ୍କ ମୃତଦେହ ଉଦ୍ଧାର କରାଯାଇଥିବା ବେଳେ ଅନ୍ୟ ୩ ଜଣଙ୍କ ପତ୍ତା ମିଳିନାହିଁ। ସେମାନଙ୍କୁ ଉଦ୍ଧାର କରିବା ପାଇଁ ପ୍ରୟାସ ଜାରି ରହିଛି। ପୁଲିସ ଘଟଣାର ତଦନ୍ତ ଆରମ୍ଭ କରିଛି।
କେନାଲକୁ ଖସିଲା କାର୍ ; ୩ ବରଯାତ୍ରୀ ମୃତ
Popular Categories
Previous article
Next article