ନୂଆଦିଲ୍ଲୀ: ପାକିସ୍ତାନରୁ ଆତଙ୍କବାଦୀ କାର୍ଯ୍ୟ ଚଳାଉଥିବା ସଙ୍ଗଠନ ବିରୁଦ୍ଧରେ କଠୋର ପଦକ୍ଷେପ ଗ୍ରହଣ କରିବାକୁ ଆମେରିକା ପାକିସ୍ତାନକୁ କହିଛି। ଭାରତଦ୍ୱାରା ପାକିସ୍ତାନସ୍ଥିତ ଆତଙ୍କବାଦୀ ତାଲିମ୍ ଶିବିରଗୁଡ଼ିକ ଉପରେ ବିମାନ ଆକ୍ରମଣ ପରେ ଉତ୍ତେଜନା ସୃଷ୍ଟି ହେଲାଭଳି କୌଣସି ପଦକ୍ଷେପ ନ ନେବାକୁ ଆମେରିକା ଚେତାବନୀ ଦେଇଛି। ଆମେରିକା ବୈଦେଶିକ ମନ୍ତ୍ରୀ ମାଇକ୍ ପମ୍ପିଓ ପାକିସ୍ତାନ ବୈଦେଶିକ ମନ୍ତ୍ରୀ ଶାହା ମହମ୍ମଦ କୁରେସିଙ୍କୁ ଟେଲିଫୋନ୍ କରି ସାମରିକ କାର୍ଯ୍ୟାନୁଷ୍ଠାନରୁ ନିବୃତ୍ତ ରହିବାକୁ କହିଛନ୍ତି। ବୈଦେଶିକ ମନ୍ତ୍ରୀ ସୁଷମା ସ୍ୱରାଜଙ୍କୁ ଏକ ପୃଥକ୍ ଟେଲିଫୋନ୍ କଥାବର୍ତ୍ତାରେ ଶ୍ରୀ ପମ୍ପିଓ ଆମେରିକା ଓ ଭାରତ ମଧ୍ୟରେ ଥିବା ଘନିଷ୍ଠ ସାମରିକ ଭାଗିଦାରୀ ବିଷୟରେ ଜଣାଇଛନ୍ତି ଏବଂ ଶାନ୍ତି ଓ ନିରାପତ୍ତା ବଜାୟ ରଖିବା ବିଷୟ କହିଛନ୍ତି। ପୂର୍ବରୁ ଆମେରିକା ଜାତୀୟ ନିରାପତ୍ତା ଉପଦେଷ୍ଟା ଜନ୍ ବୋଲ୍ଟନ୍ ଭାରତର ଜାତୀୟ ନିରାପତ୍ତା ଉପଦେଷ୍ଟା ଅଜିତ୍ ଡୋବାଲ୍ଙ୍କ ସହ କଥାବାର୍ତ୍ତା କରି ଆତ୍ମରକ୍ଷା ପାଇଁ ଭାରତର ଅଧିକାରକୁ ସମର୍ଥନ କରିଥିଲେ।
Popular Categories
Previous article
Next article