ଇଟାବା : ଉତ୍ତରପ୍ରଦେଶ ଇଟାବାରେ ଜମିବାଡି ବିବାଦରୁ ଜଣେ ମହିଳାଙ୍କୁ ହତ୍ୟା କରି ଅର୍ଦ୍ଧଦଗ୍ଧ ଅବସ୍ଥାରେ ମୃତଦେହକୁ ନଦୀରେ ଫିଙ୍ଗି ଦେବା ଘଟଣା ହଇଚଇ ସୃଷ୍ଟି କରିଛି। ଏହି ମାମଲାରେ ଜଣେ ଜମିବାଡି ଡିଲର୍ ଓ ତାଙ୍କର ଆଉ ଜଣେ ସହଯୋଗୀଙ୍କୁ ଗିରଫ କରାଯାଇଛି। ଅଭିଯୁକ୍ତ ନିଜ ଦୋଷ ସ୍ୱୀକାର କରିଛନ୍ତି ବୋଲି ଜଣାପଡିଛି।
ଅଭିଯୁକ୍ତ ଶିବେନ୍ଦ୍ର ଯାଦବ (୨୬) ଓ ତାଙ୍କ ସହଯୋଗୀ ଗୌରବ (୧୯) ଉକ୍ତ ୨୫ ବର୍ଷୀୟ ଯୁବତୀଙ୍କୁ ଜମିବାଡି କାଗଜପତ୍ର ଦେବାକୁ ଡକାଇଥିଲେ। ଏହାପରେ ସେମାନେ ମହିଳାଙ୍କୁ ମଦ ପିଆଇବା ପରେ ତାଙ୍କ ତଣ୍ଟି ଚିପି ହତ୍ୟା କରିଥିଲେ। ମହିଳାଙ୍କୁ ହତ୍ୟା କରିବା ପରେ ମୃତଦେହକୁ ଜଳାଇବା ପରେ ଅର୍ଦ୍ଧଦଗ୍ଧ ଅବସ୍ଥାରେ ନଦୀରେ ଫିଙ୍ଗି ଦେଇଥିଲେ। ପାଞ୍ଚ ଦିନ ଧରି ଯୁବତୀ ଜଣକ ନିଖୋଜ ରହିବା ପରେ ଶନିବାର ନଦୀ ନିକଟରୁ ତାଙ୍କ ମୃତଦେହ ଜବତ କରାଯାଇଥିଲା।
ପୁଲିସ ମୃତଦେହ ଜବତ କରି ଘଟଣାର ତଦନ୍ତ ଜାରି ରଖିଛି। ନଦୀ ନିକଟରେ ଯୁବତୀଙ୍କ ଜଳିଯାଇଥିବା ସ୍କୁଟି ଦେଖି ଜମିବାଡି ଡିଲର୍ ଉପରେ ପରିବାର ଲୋକେ ହତ୍ୟା ଅଭିଯୋଗ ଆଣିଥିଲେ। ମୃତ ଯୁବତୀଙ୍କ ଭଉଣୀଙ୍କ କହିବାନୁସାରେ ଜମିବାଡି ଡିଲର୍ ଭଉଣୀ ଠାରୁ ଜମି ପାଇଁ ୬ ଲକ୍ଷ ଟଙ୍କା ନେଇଥିଲେ। ଜମି କାଗଜପତ୍ର ଦେବା ପାଇଁ ଡକାଇ ଭଉଣୀର ହତ୍ୟା କରାଯାଇଛି।
୪୦୦ରୁ ବି କମ୍ ୧୫୦ ଦିନିଆ ରିଚାର୍ଜ ପ୍ଲାନ୍ ; ଡାଟା ସହ ମିଳିବ ଏସବୁ ସୁବିଧା
୭ଟି ଉପାୟ ; ଶୀଘ୍ର ହେବ ବିବାହ, ମିଳିବ ମନପସନ୍ଦର ଜୀବନସାଥୀ, ଜମା ହେବନି ବିଳମ୍ବ
ବର୍ଷେ ପରେ ସୂର୍ଯ୍ୟଙ୍କ ମହାଚଳନ ; ଏହି ରାଶି ହେବେ ମାଲାମାଲ୍, ଜାଣନ୍ତୁ କାହାର ହେବ ଚାକିରି, ବିବାହ, ବଢିବ ଦରମା..
Comments are closed.