ଟିଟିଲାଗଡ଼ : ଟିଟିଲାଗଡ଼ ଅତିରିକ୍ତ ଜିଲ୍ଲା ଦୌରା ଏବଂ ସେସନ ବିଚାରପତି ସନ୍ଦୀପ କୁମାର ପଟ୍ଟନାୟକ ଏକ ଦୁଷ୍କର୍ମ ମାମଲାର ବିଚାର କରି ଶୁକ୍ରବାର ଅଭିଯୁକ୍ତ ସ୍ବର୍ଣ୍ଣରାଜା ଦୀପକୁ ଦଶ ବର୍ଷ କାରାଦଣ୍ଡ ରାୟ ପ୍ରକାଶ କରିଛନ୍ତି । ପୀଡିତାଙ୍କ ପକ୍ଷରୁ ମାମଲା ପରିଚାଳନା କରୁଥିବା ସରକାରୀ ଅଧିବକ୍ତା ରାଧାକାନ୍ତ ପାଢ଼ୀ ଏବଂ ରବୀନ୍ଦ୍ର ନାରାୟଣ ଭୋଇଙ୍କ ସୂଚନା ମତେ ଗତ ୧୦.୮.୨୦୧୮ରେ ସଇଁତଲା ଥାନା ଅନ୍ତର୍ଗତ ବିବିନା ଗ୍ରାମର ଅଭିଯୁକ୍ତ ସ୍ବର୍ଣ୍ଣରାଜା ବଳପୂର୍ବକ ପୀଡିତାଙ୍କୁ ଗୋଟିଏ ଘରକୁ ଅପହରଣ କରି ଆଣି ଦୁଷ୍କର୍ମ କରିଥିଲା। ଏକଥା ବାହାରେ ପ୍ରକାଶ କଲେ ଜୀବନ ମାରି ଦେବାଜୁ ଧମକ ଦେଇଥିଲା ।
ଏନେଇ ସଇଁତଲା ଥାନାରେ ଅଭିଯୋଗ ପରେ ପୁଲିସ ପକ୍ଷରୁ କେସ ନମ୍ବର ୧୩୧/୧୮ ଦାୟର ସହ ଅଭିଯୁକ୍ତକୁ ଗିରଫ କରାଯାଇଥିଲା। ବିଭିନ୍ନ ୧୪ ଜଣଙ୍କ ସାକ୍ଷ୍ୟ ପ୍ରମାଣକୁ ଭିତ୍ତି କରି ମାମଲାର ବିଚାର ସହ ବିଚାରପତି ଚୂଡାନ୍ତ ରାୟ ପ୍ରକାଶ କରି ଦଫା ୩୭୬ (୧)ରେ ଦଶ ବର୍ଷ ସଶ୍ରମ କାରାଦଣ୍ଡ ଏବଂ ୨୫ ହଜାର ଟଙ୍କା ଜୋରିମାନା ରାୟ ପ୍ରକାଶ କରିଛନ୍ତି । ଜୋରିମାନା ଅନାଦେୟ ୬ ମାସ ଅତିରିକ୍ତ ସଶ୍ରମ କାରାଦଣ୍ଡ ଆଦେଶ କରିଛନ୍ତି । ଏହା ସହ ଧାରା ୩୪୧ରେ ୧ ମାସ ଜେଲ, ଧାରା ୫୦୬ରେ ୬ ମାସ ଜେଲ ଦଣ୍ଡ ଶୁଣାଇଛନ୍ତି କ୍ଷ ଅଭିଯୁକ୍ତ ପୂର୍ବରୁ ଜାମିନରେ ଥିବା ବେଳେ ଆଜି ଟିଟିଲାଗଡ଼ ଉପକାରାଗାରକୁ ପଠାଇ ଦିଆଯାଇଛି ।
Comments are closed.