ନାଗପୁର : ଭାରତ ଓ ଅଷ୍ଟ୍ରେଲିଆ ମଧ୍ୟରେ ପ୍ରଥମ ଟେଷ୍ଟ ମ୍ୟାଚ ନାଗପୁରରେ ଆରମ୍ଭ ହୋଇଛି। ଭାରତ ପାଇଁ ଦୁଇ କ୍ରିକେଟର ସୂର୍ଯ୍ୟକୁମାର ଯାଦବ ଓ ୱିକେଟରକ୍ଷକ କେ.ଏସ୍ ଭାରତ ଟେଷ୍ଟ ପଦାର୍ପଣ କରିଛନ୍ତି। ଦୁର୍ଘଟଣାର ଶିକାର ହୋଇଥିବା ଋଷଭ ପନ୍ତ୍ ଚଳିତ ଟେଷ୍ଟ ଶୃଙ୍ଖଳା ଖେଳିବାରୁ ବଞ୍ଚିତ ହୋଇଥିବା ବେଳେ ଆନ୍ଧ୍ରପ୍ରଦେଶର ଭାରତଙ୍କୁ ସୁଯୋଗ ମିଳିଛି। ଏମ୍.ଏସ୍ କେ ପ୍ରସାଦ ଓ ହନୁମା ବିହାରୀଙ୍କ ପରେ ଭାରତ ଆନ୍ଧ୍ରପ୍ରଦେଶ ପାଇଁ ଟେଷ୍ଟ ଖେଳିବାରେ ୩ୟ ଓ ଦ୍ବିତୀୟ ୱିକେଟରକ୍ଷକ ଭାବେ ଭାରତୀୟ ଦଳରେ ଖେଳିବାର ସୁଯୋଗ ପାଇଛନ୍ତି। ସେହିପରି ଭାରତ ଘରୋଇ ମ୍ୟାଚ ବ୍ୟତୀତ ଆଇପିଏଲରେ ଖେଳିବାର ସୁଯୋଗ ପାଇଥିଲେ। ଭାରତ ୩୮ଟି ପ୍ରଥମ ଶ୍ରେଣୀ ମ୍ୟାଚରୁ ୪୭୦୭ରନ କରିଛନ୍ତି। ପଦାର୍ପଣ କରିବା ପରେ ଭାରତ ଅତ୍ୟନ୍ତ ଭାବପ୍ରବଣ ହୋଇ ମା ଙ୍କୁ ପଡିଆ ଭିତରେ ଆଲିଙ୍ଗନ କରିଥିଲେ। ଯାହା ସାମାଜିତ ଗଣମାଧ୍ୟମରେ ଭାଇରାଲ ହେବାରେ ଲାଗିଛି। ଅନ୍ୟପକ୍ଷରେ ଟ୍ବେଣ୍ଟି୨୦ର ଏକ ନମ୍ବର ବ୍ୟାଟ୍ସମ୍ୟାନ ସୂର୍ଯ୍ୟକୁମାର ଯାଦବ ମଧ୍ୟ ଟେଷ୍ଟ ପଦାର୍ପଣ କରିଛନ୍ତି। ମୁମ୍ବଇର ଏହି ତାରକାଙ୍କୁ ଟେଷ୍ଟ ଦଳରେ ସାମିଲ ନେଇ ବିଭିନ୍ନ ସ୍ତରରେ ଜୋରଦାର ଆଲୋଚନା ହେଉଥିଲା। ଯାହା ଶେଷରେ ପୂରଣ ହୋଇଛି। ସୂର୍ଯ୍ୟକୁମାର ଏପର୍ଯ୍ୟନ୍ତ ୪୭ଟି ଟ୍ବେଣ୍ଟି୨୦ ମ୍ୟାଚ ଖେଳି ୩ଟି ଶତକ ଓ ୧୩ଟି ଅର୍ଦ୍ଧଶତକ ସହ ୧୬୫୧ ଓ ୨୦ଟି ଦିନିକିଆ ମ୍ୟାଚ ଖେଳି ୨ଟି ଅର୍ଦ୍ଧଶତକ ସହ ୪୩୩ରନ କରିଛନ୍ତି।
Popular Categories
Previous article
Next article