ଆଖଣ୍ଡଳମଣି ପୀଠର ବିକାଶମୂଳକ କାର୍ଯ୍ୟ ସ୍ବାଗତ ଯୋଗ୍ୟ : ସୁର ରାଉତରାୟ

ଆରଡି : ବରିଷ୍ଠ କଂଗ୍ରେସ ନେତା ସୁରେଶ ରାଉତରାୟ ଶନିବାର ଆରଡିପୀଠକୁ ଆସି ବାବା ଆଖଣ୍ଡଳମଣିଙ୍କୁ ଦର୍ଶନ କରିବା ସହ ପୂଜାର୍ଚ୍ଚନା କରିଥିଲେ । ପରେ ସେବାୟତମାନଙ୍କ ସହ  ଆଖଣ୍ଡଳମଣିଙ୍କ ମନ୍ଦିର ଓ ପୀଠର ଚାଲିଥିବା ଉନ୍ନତିମୂଳକ କାର୍ଯ୍ୟ ବୁଲି ଦେଖିବା ସହ ବିଭିନ୍ନ ସମସ୍ୟା ବାବଦରେ ସେବାୟତଙ୍କ ଠାରୁ ପଚାରି ବୁଝିଥିଲେ। ବିଶେଷ କରି ମନ୍ଦିର ବେଢାର ସମ୍ପ୍ରସାରଣ ପାଇଁ ବିଗତ ୪ବର୍ଷ ହେବ ବିସ୍ଥାପିତ ହୋଇଥିବା ବ୍ୟବସାୟୀଙ୍କୁ ଦୋକାନ ଘର କିମ୍ବା କୌଣସି ସହାୟତା ନମିଳିବା ଅତି ନିନ୍ଦନୀୟ ବୋଲି ଶ୍ରୀ ରାଉତରାୟ କହିଥିଲେ। ଆଗକୁ ମନ୍ଦିରର ଚତୁଃପାର୍ଶ୍ବର ଯେଉଁ କାର୍ଯ୍ୟ ହେବ ତାହା ସ୍ବାଗତଯୋଗ୍ୟ, ହେଲେ ଏହି କାର୍ଯ୍ୟରେ  ବିସ୍ଥାପିତ ହେବାକୁ ଥିବା  ବାସଗୃହ ମାଲିକଙ୍କୁ ପୁରୀ ଓ ଭୂବନେଶ୍ବର ଭଳି ୮ଗୁଣା କ୍ଷତିପୂରଣ ସହାୟତା ଦେବାକୁ ରାଜ୍ୟ ସରକାରଙ୍କ ନିକଟରେ ଦାବି ଉଠାଇବେ ବୋଲି କହିଥିଲେ। ତାହା ସହ ଯେଉଁ କାର୍ଯ୍ୟ ହେଉଛି ତାହା ସଠିକ ଭାବେ କରିବାକୁ ସରକାରଙ୍କୁ ଜଣାଇବେ।