ନୂଆଦିଲ୍ଲୀ : ତାମିଲନାଡୁ ମୁଖ୍ୟମନ୍ତ୍ରୀ ଏମକେ ଷ୍ଟାଲିନଙ୍କ ପୁଅ ତଥା ମନ୍ତ୍ରୀ ଉଦୟନିଧି ଷ୍ଟାଲିନଙ୍କୁ ସୁପ୍ରିମକୋର୍ଟ ସୋମବାର ତାଗିଦ କରିଛନ୍ତି । ଉଦୟନିଧି ଷ୍ଟାଲିନ ସନାତନ ଧର୍ମକୁ ନେଇ ବିବାଦୀୟ ବୟାନ ଦେଇଥିଲେ । ସେ ସନାତନ ଧର୍ମକୁ ସମାପ୍ତ କରିବା କଥା କହିଥିଲେ । ଏହି ମାମଲାରେ ଶୁଣାଣି କରି ସୁପ୍ରିମକୋର୍ଟ ଷ୍ଟାଲିନଙ୍କୁ କହିଛନ୍ତି କି ‘ଆପଣ ସାଧାରଣ ଲୋକ ନୁହଁନ୍ତି । ଆପଣ ଜଣେ ମନ୍ତ୍ରୀ । ଆପଣଙ୍କୁ ଏମିକି କଥା ଶୋଭା ପାଉନି ।’
କୋର୍ଟ କହିଛନ୍ତି କି ଆପଣ ସମ୍ବିଧାନର ଧାରା ୧୯(୧)ର ଉଲ୍ଲଙ୍ଘନ କରିଛନ୍ତି । ଆପଣ କଣ ଏଭଳି ମନ୍ତବ୍ୟର ଫଳାଫଳ ଜାଣିନାହାଁନ୍ତି ବୋଲି କୋର୍ଟ ପ୍ରଶ୍ନ କରିଛନ୍ତି । ଜଷ୍ଟିସ୍ ସଞ୍ଜୀବ ଖନ୍ନା ଏବଂ ଜଷ୍ଟିସ୍ ଦୀପାଙ୍କର ଦତ୍ତାଙ୍କ ପୀଠ ଏହି ମାମଲାର ଶୁଣାଣି କରିଛନ୍ତି ।
କହିରଖୁଛୁ ୨ ସେପ୍ଟେମ୍ବର ୨୦୨୩ରେ ଉଦୟନିଧି ଷ୍ଟାଲିନ୍ ଏକ କାର୍ଯ୍ୟକ୍ରମରେ ଡେଙ୍ଗୁ ଓ ମ୍ୟାଲେରିଆ ଭଳି ରୋଗକୁ ସନାତନ ଧର୍ମ ସହିତ ତୁଳନା କରିଥିଲେ । ଏହାକୁ ବିରୋଧ ନୁହେଁ ବରଂ ସମାପ୍ତ କରିବା ଆବଶ୍ୟକ ବୋଲି ସେ କହିଥିଲେ । ଏହା ପରେ ଅନେକ ରାଜ୍ୟରେ ତାଙ୍କ ବିରୁଦ୍ଧରେ ସନାତନ ଧର୍ମ ବିରୁଦ୍ଧ ବୟାନ ଦେବା ନେଇ ମାମଲା ରୁଜୁ ହୋଇଥିଲା ।
Comments are closed.