ନୂଆଦିଲ୍ଲୀ:ଏମିତି ବି ଆସେ ମୃତ୍ୟୁ । କାର ରେସିଂ ଦେଖିବାକୁ ଲୋକଙ୍କର ପ୍ରବଳ ଭିଡ ଜମିଥିଲା। ରେସିଂ କାର୍ ଟି ଟ୍ରାକରେ ଆଖି ପିଛୁଳାକେ ଦୌଡୁଥିବାବେଳେ ଲୋକଙ୍କ କରତାଳିରେ ସମଗ୍ର ଅଞ୍ଚଳ ଫାଟି ପଡୁଥିଲା। ହେଲେ ହଠାତ୍ ରେସିଂ କାରଟି ଲୋକଙ୍କ ଉପରେ ମାଡିଯାଇଛି। ଏମିତି କିଛି ଘଟଣା ଦେଖିବାକୁ ମିଳିଛି ଶ୍ରୀଲଙ୍କାର କଲୋମ୍ବୋରେ। ସେଠାରେ ଫକ୍ସ ହିଲ୍ ସୁପର କ୍ରସ୍ ୨୦୨୪ ଆୟୋଜିତ ହେଉଥିବାବେଳେ ଏହି ଅଘଟଣ ଘଟିଥିଲା। ଦୁର୍ଘଟଣାରେ ୭ ଜଣଙ୍କର ମୃତ୍ୟୁ ଘଟିଥିବାବେଳେ ୨୦ରୁ ଅଧିକ ଲୋକ ଗୁରୁତର ଆହତ ହୋଇଛନ୍ତି। ସେମାନଙ୍କ ମଧ୍ୟରେ ଜଣେ ୮ ବର୍ଷର ଶିଶୁ ସମେତ କିଛି ଅଧିକାରୀ ଥିବା ଜଣାଯାଇଛି। ପୁଲିସ ଘଟଣାସ୍ଥଳରେ ପହଞ୍ଚି ଅଧିକ ତଦନ୍ତ ଜାରି ରଖିଛି।
Comments are closed.