ମୁମ୍ବଇ : ଅକ୍ଷୟ କୁମାରଙ୍କ ଅଭିନୀତ ଚଳଚ୍ଚିତ୍ର ‘ସୂର୍ଯ୍ୟବଂଶୀ’ର ପ୍ରଥମ ଝଲକ୍ ମଙ୍ଗଳବାର ଜାରି କରାଯାଇଛି। ଚଳଚ୍ଚିତ୍ରକୁ ମୁକ୍ତିଲାଭ ତାରିଖ ମଧ୍ୟ ମିଳିଯାଇଛି। ରୋହିତ ଶେଟ୍ଟୀଙ୍କ ନିର୍ଦ୍ଦେଶନାରେ ନିର୍ମାଣ ହେଉଥିବା ଏହି ଚଳଚ୍ଚିତ୍ର ଆସନ୍ତା ବର୍ଷ ଇଦ୍ ଅବସରରେ ମୁକ୍ତିଲାଭ କରିବ। ଏହି ସୂଚନା ଦେଇଛନ୍ତି ନିଜେ ଅକ୍ଷୟ କୁମାର। ସେ ସାମାଜିକ ଗଣମାଧ୍ୟମରେ ଚଳଚ୍ଚିତ୍ରର ପ୍ରଥମ ଝଲକ୍ ଶେୟାର କରିଛନ୍ତି। ଏଥିରେ ସେ ଆତଙ୍କବାଦ ନିରୋଧୀ ସ୍କ୍ୱାଡ଼୍(ଏଟିଏସ୍)ର ମୁଖ୍ୟ ଅଧିକାରୀ ଭୂମିକାରେ ଅଭିନୟ କରିଛନ୍ତି ଓ ତାଙ୍କ ନାମ ରହିଛି ବୀର ସୂର୍ଯ୍ୟବଂଶୀ। କରଣ ଜୋହର ଚଳଚ୍ଚିତ୍ରର ପ୍ରଯୋଜନା ଭାର ବହନ କରିଛନ୍ତି। ଏହାର ସୁଟିଂ ମଧ୍ୟ ଆରମ୍ଭ ହୋଇଯାଇଛି ଓ ପ୍ରଥମ ସୁଟିଂ କାର୍ଯ୍ୟକ୍ରମ ଗୋଆରେ ରଖାଯାଇଥିଲା।
