ମୁମ୍ବଇ : ଅଭିଷେକ ଚୌବେଙ୍କ ନିର୍ଦ୍ଦେଶନାରେ ନିର୍ମିତ ଚମ୍ବଲ ଡାକୁଙ୍କ ଜୀବନ ଉପରେ ଆଧାରିତ ଚଳଚ୍ଚିତ୍ର ‘ସୋନଚିଡ଼ିଆ’ ଶୁକ୍ରବାର(୧ ମାର୍ଚ୍ଚ) ମୁକ୍ତିଲାଭ କରିଛି। ଏଥିରେ ସୁଶାନ୍ତ ସିଂହ ରାଜପୁତ, ଭୂମି ପେଡନେକର, ମନୋଜ ବାଜପେୟୀ, ଆଶୁତୋଷ ରାଣା, ରଣବୀର ଶୌରୀ ପ୍ରମୁଖ କାଳକାର ଗୁରୁତ୍ୱପୂର୍ଣ୍ଣ ଭୂମିକାରେ ଅଭିନୟ କରିଛନ୍ତି। ଟ୍ରେଲର ରିଲିଜ୍ ହେବା ପରଠାରୁ ଚଳଚ୍ଚିତ୍ରକୁ ନେଇ ଚର୍ଚ୍ଚା ଜାରି ରହିଛି। ସାମାଜିକ ଗଣମାଧ୍ୟମରେ ଚଳଚ୍ଚିତ୍ରକୁ ନେଇ ଲୋକଙ୍କ ଭଲ ପ୍ରତିକ୍ରିୟା ମଧ୍ୟ ମିଳୁଛି।
ଉଲ୍ଲେଖଯୋଗ୍ୟ, ବକ୍ସ ଅଫିସରେ ‘ସୋନଚିଡ଼ିଆ’ କୁ ଟକ୍କର ଦେଉଛି ‘ଲୁକା ଛୁପି’। ଦୁଇଟି ଯାକ ଚଳଚ୍ଚିତ୍ରକୁ ଲୋକଙ୍କ ଭଲ ପ୍ରତିକ୍ରିୟା ମିଳୁଛି। ମାତ୍ର ପରଦା ବିତରଣ ଓ ପ୍ରଥମ ଦିନ ଆୟର ପୂର୍ବାନୁମାନ ଭିତ୍ତିରେ ‘ଲୁକାଛୁପି’ ଆଗରେ ରହିଛି। ତେବେ କେଉଁ ଚଳଚ୍ଚିତ୍ର ବକ୍ସ ଅଫିସରେ ନିଜ କମାଲ୍ ଦେଖାଉଛି ତାହା ଦେଖିବା ବାକି ରହିଲା।
