ନୂଆଦିଲ୍ଲୀ : ଏଣିକି ଆଉ ସ୍ମାର୍ଟଫୋନକୁ ଆଙ୍ଗୁଠିରେ ଚଳାଇବାକୁ ପଡିବନି । ଏକ ଛୋଟ ସେଟିଂ ପରେ ଆପଣଙ୍କ ଆଇଫୋନ୍ ସ୍ବରରେ କାମ କରିବ । ପ୍ରଥମେ ଆପଣ ନିଜ ଆଇଫୋନର ସେଟିଂକୁ ଯାଆନ୍ତୁ । ଏଠାରେ ଆପଣଙ୍କୁ ଆକ୍ସେସିବିଲିଟିର ବିକଳ୍ପ ନଜର ଆସିବ । ଏହା ମଧ୍ୟରେ ଆପଣଙ୍କ ଭଏସ୍ କଣ୍ଟ୍ରୋଲର ବିକଳ୍ପ ମିଳିବ । ଏହା ଉପରେ ଟ୍ୟାପ୍ କରନ୍ତୁ ।
ଭଏସ୍ କଣ୍ଟ୍ରୋଲ ଭିତରେ ଆପଣଙ୍କୁ କମାଣ୍ଡ୍ସକୁ ଯିବାକୁ ହେବ । ଏଠାରେ ଆପଣଙ୍କୁ କ୍ରିଏଟ୍ ନ୍ୟୁ କମାଣ୍ଡ ବିକଳ୍ପ ମିଳିବ । କ୍ରିଏଟ୍ ନ୍ୟୁ କମାଣ୍ଡରେ ଆପଣ ସ୍ମାର୍ଟଫୋନକୁ ଯାହା କମାଣ୍ଡ ବା ନିର୍ଦ୍ଦେଶ ଦେବାକୁ ଚାହୁଁଛନ୍ତି ତାକୁ ଲେଖନ୍ତୁ । ଆପଣଙ୍କୁ ଏହା ପରେ ଆକ୍ସନକୁ ଯିବାକୁ ହେବ ଏବଂ ରନ୍ କଷ୍ଟମ୍ ଜେଶ୍ଚରରେ କ୍ଲିକ୍ କରି ଯାହା ଜେଶ୍ଚର ଦେବେ ତାକୁ ଆଡ୍ କରିଦିଅନ୍ତୁ । ବାସ୍ ଏହା ପରେ ଆପଣଙ୍କ କଥା ଅନୁସାରେ ଆପଣଙ୍କ ଫୋନ୍ କାମ କରିବ ।
