ପାଣିପାଗରେ ପରିବର୍ତ୍ତନ ହୋଇଛି । ଧୀରେ ଧୀରେ ଖରାର ପ୍ରକୋପ ବଢିବାରେ ଲାଗିଛି । ଏହାର ପ୍ରଭାବ ସିଧାସଳଖ ଚେହେରାରେ ଦେଖିବାକୁ ମିଳୁଛି । ଟାଣ ଖରାର ପ୍ରଭାବରେ ଚେହେରା କଳା ପଡିବା ସହ ସନ୍ ଟ୍ୟାନ୍ ଦେଖିବାକୁ ମିଳିଛି । ତେବେ ଗ୍ରୀଷ୍ମରେ ସତେଜ ଓ ଗୋରା ତ୍ବଚା ପାଇଁ ଆପଣାନ୍ତୁ ଏହି ଉପାୟ….
ସ୍କ୍ରବ : ପାଣିପାଗ ପରିବର୍ତ୍ତନ ତ୍ବଚା ପାଇଁ ହାନିକାରକ ହୋଇପାରେ । ଥଣ୍ଡା ବା ବର୍ଷା ଋତୁରେ ଚେହେରାରେ ମୃତ କୋଷିକା ବା ଡେଡ୍ ସେଲ ଜମି ରହିଥାଏ । ଯାହା ଦ୍ବାରା ଚେହେରା କଳା ଦେଖା ଯାଇଥାଏ । କିନ୍ତୁ ହଠାତ୍ ଖରା ହେବା ଯୋଗୁ ତ୍ବଚା କଳା ପଡୁଛି ବୋଲି ସମସ୍ତେ ଭାବିଥାଆନ୍ତି। ତେଣୁ ଏହାକୁ ଚେହେରାରୁ ହଟାଇବା ବହୁତ ଜରୁରୀ । ପ୍ରତି ସପ୍ତାହରେ ଥରେ କିମ୍ବା ଦୁଇ ଥର ସ୍କ୍ରବ କରିବା ଉଚିତ୍ । ଏହା ଦ୍ବାରା ତ୍ବଚା ସଫା ଦେଖାଯାଇଥାଏ । ଚିନି ଓ କଫି ସ୍କ୍ରବ ପାଇଁ ବ୍ୟବହାର କରି ପାରିବେ ।
ଖରାରୁ ରକ୍ଷା ପାଇବା ପାଇଁ : ଟାଣ ଓ ଝାଳ ଦ୍ବାରା ଚେହେରା କଳା ପଡି ଯାଇଥାଏ । ଘରୋଇ ଉପାୟରେ ଏଥରୁ ମୁକ୍ତି ପାଇବା ପାଇଁ ଓଟ୍ସକୁ ପେଶି ସେଥିରେ କ୍ଷୀର ଓ ବେସନ ମିଶାଇ ଚେହେରାରେ ଲଗାନ୍ତୁ । ୧୦ ମିନିଟ୍ ପରେ ଥଣ୍ଡା ପାଣିରେ ଧୋଇ ହୋଇ ପଡନ୍ତୁ ।
ପୌଷ୍ଟିକ ଖାଦ୍ୟ : ସଫା ବା ଗ୍ଲୋଇଙ୍ଗ ତ୍ବଚା ପାଇଁ ପୌଷ୍ଟିକ ଆହର ନେବା ଅତ୍ୟନ୍ତ ଜରୁରୀ । ଭୋଜନରେ ସନ୍ତୁଳିତ ଖାଦ୍ୟ ବା ପୌଷ୍ଟିକ ଖାଦ୍ୟ ସାମିଲ କରନ୍ତୁ । ସତେଜ ଫଳ ଓ ପନିପରିବା ଭୋଜନରେ ସାମିଲ କରିବା ଦ୍ବାରା ତ୍ବଚାରେ ତୋଫାପଣ ନଜର ଆସିଥାଏ ।
