ଫୁଲବାଣୀ : କନ୍ଧମାଳ ଜିଲା ସଦର ଅବକାରୀ ବିଭାଗକୁ ମିଳିଛି ସଫଳତା । ଅବକାରୀ ଅଧିକ୍ଷକ ଶ୍ରୀ ଝାସକେତନ ବରିହାଙ୍କ ନିର୍ଦ୍ଦେଶ କ୍ରମେ କୌଣସି ସୂତ୍ରରୁ ଖବର ପାଇ ପୂର୍ଣ୍ଣ ଚନ୍ଦ୍ର ବେହେରା,ଅବକାରୀ ମୋବାଇଲ ୟୁନିଟି ଏସଆଇ ଭବାନୀ ଶଙ୍କର ସେଠୀ, ଏଏସଆଇ ସୁଜିତ କୁମାର ମୁଦୁଲି ଭୃଗୁପତି ଦିଗାଲ, ସଦାଶିବ ରଣା,ଅବକାରୀ କନେଷ୍ଟବଳ ଏମ ସଞ୍ଜୀବ କୁମାର, ମିନତୀ ଗୁନ୍ତିଆ, ସଚ୍ଚିନ ଗୁରୁ ଗୋଛାପଡା କଟ୍ରିଙ୍ଗିଆ ମୁଖ୍ୟ ରାସ୍ତାରେ ପାଟ୍ରୋଲିଂ କରୁଥିଲେ।
ଏହି ସମୟରେ କୌଣସି ସୂତ୍ରରୁ ଖବର ପାଇ ଗୋଛାପଡା ଥାନା ଅନ୍ତର୍ଗତ କୁରେଇ ପଦର ଗ୍ରାମର ଘର ବାଡ଼ିରେ ଥିବା କଦଳୀ ବଗିଚାରେ ୨୦ଟି ବସ୍ତାରେ ଗଞ୍ଜେଇ ଚାଲାଣ କରିବା ଉଦ୍ଦେଶ୍ୟରେ ରଖାଯାଇ ଥିବା ଜାଣିପାରିଲେ। ଅବକାରୀ ବିଭାଗ ପକ୍ଷରୁ ଚଢାଉ କରି ୨୨୦ କିଗ୍ରା ଗଞ୍ଜେଇ ଜବତ କରିଥିଲେ। ଏଥିସହିତ ଚିତ୍ତ ବିଶ୍ଵାଳ ଜଣେ ଗିରଫ କରି ୨୯/୨୪ ରେ ଏକ ମାମଲା ରୁଜୁ କରିବା ସହ କୋର୍ଟ ଚାଲାଣ କରିଥିବା ଅବକାରୀ ଅଧିକାରୀ ପୂର୍ଣ୍ଣ ଚନ୍ଦ୍ର ବେହେରା ସୂଚନା ଦେଇଛନ୍ତି।
Comments are closed.