ବାଙ୍କୀ : ବାଙ୍କୀ-ଡମପଡା ବ୍ଲକ କୁଶପଙ୍ଗି ପଞ୍ଚାୟତ ଅଧିନ ଇନ୍ଦୁମତିପାଟଣା ଗ୍ରାମ ସ୍ଥିତ ବରିଷ୍ଠ ନାଗରିକ ନିବାସର ଅସହାୟ ବରିଷ୍ଠ ନାଗରିକ ମାନଙ୍କୁ ଶୀତବସ୍ତ୍ର ସହିତ ଶୁଖିଲା ଖାଦ୍ୟ ବିତରଣ କରାଯାଇଛି । ସାମାଜିକ କର୍ମକର୍ତ୍ତା ତଥା ସାମ୍ବାଦିକ ଡଃ. ସତ୍ୟରାୟ, ଷ୍ଟେଟ ବ୍ୟାଙ୍କର ଅବସରପ୍ରାପ୍ତ ବରିଷ୍ଠ ପରିଚାଳକ ରବିନାରାୟଣ ମିଶ୍ର ଏବଂ ଅବସରପ୍ରାପ୍ତ ଶିକ୍ଷୟିତ୍ରୀ ଲକ୍ଷ୍ମୀ ମିଶ୍ର ପ୍ରମୁଖ ବରିଷ୍ଠ ନାଗରିକ ନିବାସରେ ପହଞ୍ଚି ଅନ୍ତେବାସୀ ମାନଙ୍କୁ ଏହି ସେବା ପ୍ରଦାନ କରିଛନ୍ତି । ବାଙ୍କୀ ଆଞ୍ଚଳିକ ଆଦିବାସୀ ହରିଜନ କଲ୍ୟାଣ ପରିଷଦ ପରିଚାଳନାରେ ସଞ୍ଚାଳିତ ବରିଷ୍ଠ ନାଗରିକ ନିବାସରେ ସମ୍ପାଦକ କେଶବ ଚନ୍ଦ୍ର ବେହେରା ଯୋଗଦେଇ ଏଭଳି ସେବା କାର୍ଯ୍ୟକୁ ପ୍ରଶଂସା କରିବା ସହିତ କୃତଜ୍ଞତା ଜଣାଇଛନ୍ତି ଏବଂ କେନ୍ଦ୍ର ପରିଚାଳନା ନିମନ୍ତେ ଆସୁଥିବା ସମସ୍ୟା ସମ୍ପର୍କରେ ଡଃ. ରାୟଙ୍କ ସହିତ ଆଲୋଚନା କରିଛନ୍ତି । ଅନ୍ତେବାସୀ ମାନେ ଶୀତବସ୍ତ୍ର ପାଇ ନିଜର ଖୁସି ବ୍ୟକ୍ତ କରିଛନ୍ତି।
Comments are closed.