ନୂଆଦିଲ୍ଲୀ : ସିଙ୍ଗାପୁର ବଜାରରେ ଭାରତରୁ ଆମଦାନୀ ହେଉଥିବା ପ୍ରସିଦ୍ଧ ମସଲା ଉତ୍ପାଦର ବିକ୍ରି ନିଷିଦ୍ଧ କରାଯାଇଛି। ମସଲାରେ କୀଟନାଶକ ମିଶିଥିବା ଅଭିଯୋଗ କରି ସିଙ୍ଗାପୁର ସରକାର ସ୍ଥାନୀୟ ବଜାରରୁ ଏଭରେଷ୍ଟ ମାଛ ତରକାରୀ (ଫିସ୍ କରି) ମସଲା ପ୍ରତ୍ୟାହାର କରିଛନ୍ତି। ଏହି ମସଲା ମିଶ୍ରଣରେ ମାନବ ବ୍ୟବହାର ପାଇଁ କ୍ଷତିକାରକ କୀଟନାଶକ ଏଥିଲିନ୍ ଅକ୍ସାଇଡ ଉଚ୍ଚ ସ୍ତରରେ ଥିବା ଅଭିଯୋଗ ହୋଇଛି। ହଙ୍ଗକଙ୍ଗର ଖାଦ୍ୟ ସୁରକ୍ଷା କେନ୍ଦ୍ର ପକ୍ଷରୁ ଜାରି ବିଜ୍ଞପ୍ତିରେ କୁହାଯାଇଛି ଯେ, ମସଲାରେ ଆବଶ୍ୟକତା ଠାରୁ ଉଚ୍ଚ ସ୍ତରରେ ଏଥିଲିନ୍ ଅକ୍ସାଇଡ ରହିଛି। ତେଣୁ ଭାରତ ଏହି ମସଲାକୁ ଫେରାଇନେବାକୁ ବିଜ୍ଞପ୍ତିରେ କୁହାଯାଇଛି। ସୂକ୍ଷ୍ମଜୀବ ପ୍ରଦୂଷଣକୁ କମାଇବା ନିମନ୍ତେ କୃଷିଜାତ ଦ୍ରବ୍ୟକୁ ଧୂଅଁା ଦେବା ପାଇଁ ସାଧାରଣତଃ ଏଥିଲିନ ଅକ୍ସାଇଡ୍ କୀଟନାଶକ ବ୍ୟବହାର ହୋଇଥାଏ। ତେବେ ଖାଦ୍ୟ ପଦାର୍ଥରେ ଏହାର ବ୍ୟବହାର ସମ୍ପୂର୍ଣ୍ଣ ନିଷେଧ କରାଯାଇଛି। ସିଙ୍ଗାପୁରର ନିୟମ ଅନୁଯାୟୀ ମସଲାରେ ଏହାର ଅନୁମତିପ୍ରାପ୍ତ ପ୍ରୟୋଗ ସତ୍ତ୍ବେ ଏଭରେଷ୍ଟ ଫିସ୍ କରି ମସଲାରେ ଉଚ୍ଚ ସ୍ତରର ଏଥିଲିନ ଅକ୍ସାଇଡ ଉପସ୍ଥିତି ଗ୍ରାହକଙ୍କ ସ୍ୱାସ୍ଥ୍ୟ ପାଇଁ ବିପଦ ସୃଷ୍ଟି କରିଥାଏ ବୋଲି ଏସ୍ଏଫଏ କହିଛି। ତେବେ ଏନେଇ ଏଭରେଷ୍ଟ ଏପର୍ଯ୍ୟନ୍ତ କୌଣସି ବିବୃତ୍ତି ଦେଇନାହିଁ।
Comments are closed.