ଆଠଗଡ : ଆଠଗଡ ବାଣୀକଣ୍ଠନଗରସ୍ଥିତ ସାଇଉଦୟନଗରର ଶ୍ରଦ୍ଧା ସବୁରୀ ଟ୍ରଷ୍ଟ ପକ୍ଷରୁ ଢେଙ୍କାନାଳ ସଦର ବ୍ଲକ ଅଧିନ ଗୋବିନ୍ଦପୁର ନିକଟରେ ପ୍ରତିଷ୍ଠିତ ମହର୍ଷି ଦୟାନନ୍ଦ ସର୍ଭିସ୍ ମିଶନ ଅନୁଷ୍ଠାନ ପରିଦର୍ଶନ କରି ଅନ୍ତେବାସୀଙ୍କ ମଧ୍ୟରେ ଖାଦ୍ୟ ଓ ବସ୍ତ୍ର ବଣ୍ଟନ କରାଯାଇଛି । ଟ୍ରଷ୍ଟର ସଦସ୍ୟମାନେ ଉକ୍ତ ମିଶନ ଦ୍ୱାରା ପରିଚାଳିତ ଶିଶୁଗୃହ ଓ ଜରାଶ୍ରମରେ ଅବସ୍ଥାନ କରୁଥିବା ଅନାଥ ଶିଶୁ ଏବଂ ବୃଦ୍ଧ ଓ ବୃଦ୍ଧାଙ୍କ ସହ ସମୟ କାଟିବା ସହ ସେମାନଙ୍କର ଭଲମନ୍ଦ ପଚାରି ବୁଝିଥିଲେ। ସେମାନେ କିପରି ସୁଖ, ଶାନ୍ତି ସହିତ ଦୀର୍ଘାୟୁ ହେବେ ସେ ଦିଗରେ ଟ୍ରଷ୍ଟର ସଦସ୍ୟମାନେ ପରାମର୍ଶ ଦେଇଥିଲେ। ଟ୍ରଷ୍ଟର ସଦସ୍ୟମାନେ ସେଠାରେ ଅବସ୍ଥାନ କରୁଥିବା ଶତାଧିକ ଶିଶୁ ଏବଂ ବୃଦ୍ଧ ଓ ବୃଦ୍ଧାଙ୍କୁ ନୂତନ ବସ୍ତ୍ର ପ୍ରଦାନ କରିବା ସହ ସେମାନଙ୍କ ପାଇଁ ଖାଦ୍ୟପେୟର ବ୍ୟବସ୍ଥା କରିଥିଲେ । ଟ୍ରଷ୍ଟର ସଭାପତି ସଂଜୟ କୁମାର ମହାନ୍ତି, ସଂପାଦକ ଦେବଦର୍ଶିନୀ ପ୍ରଧାନ, ଟ୍ରଷ୍ଟି ସଭ୍ୟ ଜିତେନ୍ଦ୍ର ପରିଡା, ରତିରଞ୍ଜନ ପାଇକରାୟ, ଚନ୍ଦନ କୁମାର ମିଶ୍ର, ସନ୍ତୋଷ କୁମାର ଦୋରା ଓ ବିଦ୍ୟୁଲତା ପରିଡାଙ୍କ ସମେତ ବହୁ ସଦସ୍ୟ ଏହି କାର୍ଯ୍ୟକ୍ରମରେ ଯୋଗଦାନ କରିଥିଲେ।
Comments are closed.