ଲଣ୍ଡନ: ଦଶମ ଶ୍ରେଣୀରେ ବିଦ୍ୟାଳୟ ପାଠପଢା ଛାଡିଦେଲେ । ପରେ ଜୀବନ ନିର୍ବାହ ପାଇଁ ଜଣେ ଡ୍ରାଇଭର ଭାବରେ କାମ କଲେ । ଏବେ ସେ ବି୍ରଟେନର ଦଶମ ସର୍ବାଧିକ ଧନୀ ବ୍ୟକ୍ତି ଭାବରେ ପରିଚିତ ହେଉଛନ୍ତି । ଏହି ବ୍ୟକ୍ତି ଜଣକ ହେଛନ୍ତି ଷ୍ଟିଭ ପାର୍କିନ । ୟର୍କସାୟାର ବାସିନ୍ଦା ଷ୍ଟିଭ ଦଶମ ଶ୍ରେଣୀରେ ପଢୁଥିବାବେଳେ ୧୯୯୨ରେ ଅଧାରୁ ପାଠପଢା ଛାଡିଦେଇଥିଲେ । ଏହାପରେ ରୋଜଗାର କରିବାକୁ ସେ ହଡରସଫିଲ୍ଡର ବୋନମାର୍କେ କପଡା କମ୍ପାନୀରେ ଡ୍ରାଇଭର ଭାବରେ ଯୋଗଦେଲେ । ସଂପ୍ରତି ସେ ଏକ ଅନ୍ଲାଇନ ଲଜିଷ୍ଟିକ୍ସ କମ୍ପାନୀ ‘କ୍ଲିପର’ର ମାଲିକ ଏବଂ ଗତବର୍ଷ ତାଙ୍କ ସମ୍ପତ୍ତି ୪୫ ନିୟୁତ ପାଉଣ୍ଡ ବା ୪୫୦ କୋଟି ଟଙ୍କା ବୃଦ୍ଧିପାଇଛି । ତାହାସହିତ ବିଜନେସ ଇନସାଇଡର ପତ୍ରିକା ରିପୋର୍ଟ ଅନୁଯାୟୀ ସେ ବ୍ରିଟେନର ସବଠାରୁ ଧନୀ ଲୋକଙ୍କ ତାଲିକାରେ ଦଶମ ସ୍ଥାନରେ ରହିଛନ୍ତି । କୋଭିଡ ମହାମାରୀ ସାରା ବିଶ୍ୱର ବ୍ୟବସାୟକୁ ପ୍ରଭାବିତ କରିଥିବାବେଳେ ଷ୍ଟିଭ କିନ୍ତୁ ତାଙ୍କ ବ୍ୟବସାୟକୁ ଆଗେଇ ନେଇଥିଲେ । ତାଙ୍କ କମ୍ପାନୀରେ ମୋଟ ୧୦ ହଜାର ଲୋକ କାମ କରୁଛନ୍ତି । କେବଳ ଗତବର୍ଷ ୨ହଜାର ନୂଆ କର୍ମଚାରୀ ନିଯୁକ୍ତି ପାଇଛନ୍ତି । ତାଙ୍କର ଘୋଡା ଚଢାରେ ବିଶେଷ ସଉକ ରହିଛି । ସେଥିପାଇଁ ସେ ନିଜର ଅନେକ ଘୋଡା ରଖିଛନ୍ତି । ୨୦୨୦ରେ ତାଙ୍କ ଘୋଡ ଇଗଲ୍ସ ବାଇ ଡେ ଜନ ସ୍ମିଥ କପ୍ ବିଜୟୀ ହୋଇଥିଲା । ଫୁଟବଲ ଖେଳ ମଧ୍ୟ ତାଙ୍କର ଅତ୍ୟନ୍ତ ପ୍ରିୟ ।
Popular Categories
Previous article
Next article